web counter
LEXO PA REKLAMA!

SHKARKO APP

App Store
Google Play

E fundit!

x

61 bashkitë e reja 6 muaj në varësi të qeverisë, punësimi sipas partive

17 Qershor 2015, 11:18, Politikë CNA

61 bashkitë e reja që do të krijohen pas zgjedhjeve të 21 qershorit, deri në fund të vitit do të jenë në varësi të qeverisë dhe kryetarët e tyre nuk do të kenë pothuajse asnjë kompetencë, përveç përzgjedhjes së stafit. Vitin e ardhshëm do të nisë procesi i decentralizimit dhe për këtë arsye deri më 31 dhjetor buxhetet e bashkive do të jenë të varura nga qeveria, si dhe prej saj do të përcaktohen politikat që ato do të ndjekin.

Kjo gjë është bërë e ditur dje nga Drejtori i Agjencisë së Zbatimit të Reformës Territoriale, Artan Shkëmbi, i cili ka thënë se kjo masë është e nevojshme për shkak të vështirësive që mund të hasin drejtuesit e rinj me reformën e re territoriale. ?Bashkitë sot kanë buxhetet e tyre, që do të vazhdonin normalisht sikur të mos kishte ndodhur reforma.

Edhe komunat kanë buxhetet e tyre. Në rast se gjatë procesit të bashkimit të bashkive dhe komunave do ketë vështirësi, buxheti i shtetit ka parashikuar një fond prej 20 milionë dollarësh, të cilat do të shpërndahen për këtë gjë. Ministri i Shtetit për Çështjet Vendore do të bëjë propozimin përkatës dhe qeveria do të vendosë shpërndarjen e fondit në varësi të problematikës. Nuk do të lejohet as ulje taksash dhe as rritje taksash në momentin nga konstituimi dhe deri në dhjetor?, tha Artan Shkëmbi.

  Ndryshimi i stafit

E vetmja kompetencë që do të kenë për plot 6 muaj kryebashkiakët e rinj do të jetë ajo e ndryshimit të stafit. Ashtu siç ka ndodhur gjithmonë pritet që të ketë emërime dhe shkarkime masive të punonjësve, kjo edhe për shkak të ndryshimit të strukturave të bashkive edhe eliminimit të komunave. Duke qenë se do të jetë në dorë të tyre emërimi i punonjësve të bashkisë, ka shumë mundësi që punësimi të bëhet sipas partive administrojnë bashkitë.    ?Kryetarët e bashkive që nga momenti i konstituimit kanë të drejtë të punësojnë sa të duan edhe këtë të duan. Gjithsesi ne jemi aty për të asistuar?, ka vijuar ai.





Lajmet e fundit nga