web counter
LEXO PA REKLAMA!

SHKARKO APP

App Store
Google Play

E fundit!

x

Pogradec/Rama: Kandidatin PD e ka marrë me qira

16 Qershor 2015, 19:09, Politikë CNA

Aleanca për Shqipërinë Europiane ka mbyllur sot fushatën në qytetin e Liqenit, Pogradec. Në mbështetje të kandidates së majtë, që vjen nga LSI, Diana Mile, kanë qenë deputetë të PS-së, ministra si dhe kryeministri Edi Rama. Në fjalën e tij para elektoratit të Pogradecit, kryeministri Rama ?sulmoi? opozitën dhe kandidatët e saj, për të cilët tha se janë pa shkollë. Rama tha se Partia Demokratike është bërë shëmbëlltyra e ikjes në drejtim të paditur.

?Kjo zonë nuk e ka humbur kurrë drejtimin. Ky kandidati u tregon njerëzve telefonin sikur i kam dërguar mesazhe unë. Po ç?janë këta njerëz që sjell PD-ja dhe ç?është ky hall që ka gjetur PD-në dhe neve me ta. Ka disa ditë po përpiqem që të shmang komentet për kandidatët e PD-së, por është pamundur. Shkoj në Sarandë, më thonë kandidati borizan, atë profesion ka. Shkoj në Konispol, çfarë pune bën kandidati i PD-së, saldator. Iki në Vlorë, jurist me kristal. Shkoj në Krujë, me shkollë të lartë pa shkollë fillore. Tani thashë e paska një me shkollë ky këtu, se ka mbaruar për ekonomik, po ky qenka komplet mashtrues. U thotë që unë jam me PS-në po sa të mbaroj zgjedhjet do vij me ju, ma jepni votën. Kjo është katandia ku ka përfunduar PD-ja. Më vjen për të qarë ku ka përfunduar PD-ja. Është bërë shëmbëlltyra e ikjes në drejtim të paditur, duke me marrë përpara gjithfarësoj personazhe, në një fushatë që është më e turpshmja që është zhvilluar ndonjëherë në Shqipëri?, tha kryeministri.

Rama tha se fushata e PD-së është e turpshme sepse flet për gjëra që s?kanë lidhje me 21 qershorin dhe zgjedhjet lokale, duke premtuar gjëra që i ka në dorë qeveria qendrore.

?Në 21 qershor janë zgjedhjet për qeverisjen vendore dhe problemet që ka për detyrë të zgjidhë bashkia. Nuk janë zgjedhje për parlamentin. Fushata e PD-së e turpshme sepse flet për gjëra që s?kanë lidhje me 21 qershorin. Dhe thotë jepjani votën PD-së se më 22 qershor do ti keni pensionet si në Europë, po kush do ti çojë pensionet??, tha Rama.

Rama iu kujtoi pogradecarëve se: ?vota e 21 qershorit ka lidhje të drejtpërdrejtë me çdo familje kudo që banon, problemet, hallet që ka. Sapo hapet dera, rruga para shtëpisë është e lidhur me bashkinë, çerdhja, kopshti, transporti urban?.

Sipas kryeministrit, vota duhet të shkojë në drejtimin e duhur, aty ku premtohet zgjidhja e halleve dhe problemeve të qytetarëve. ?Zgjedhja e qytetarëve nuk duhet të vijë për flamurin më të bukur po kush është drejtimi ku do ta çojnë votën. Kjo është letra më me vlerë që ka një qytetar në demokraci, të votosh do të thotë të marrësh zgjidhje për hallet, problemet që ti ke?.

Rama ka ironizuar më tej kandidatin e PD-së për Bashkinë e Pogradecit, të cilin e quajti pehlivan dhe të marrë me qira.

?Si mund të dalë një demokrat në votime dhe të harrojë problemet që ka me rrugën, kopshtin, çerdhen e ta hedhë votën në lumë, në drejtim të paditur për të mbajtur me gajret Saliun apo atij që i çon mesazhe vetes me emrin tim dhe thotë më kërcënoi kryeministri. Ky qenka pelivan, bredh tel më tel e degë më degë?Pogradeci në 21 qershor do jetë i zjarrtë në përpjekjen qytetare për të investuar besimin maksimal tek Diana dhe ASHE? Zgjedhja jo mes një kandidati, por është midis një pehlivani dhe një gruaje që ka treguar se di ta shohë qytetin me sytë e së ardhmes, se di të projektojë të ardhmen për qytetin, di të jetë njeriu juaj dhe me ju?.

Ndër të tjera Rama shtoi: ?Këtu në Pogradec kanë marrë me qira kandidatin vetëm për muajt e fushatës. Ai i ka partitë si shtëpi me qira. Ju demokratë nuk mund të jeni kaq të pandjeshëm dhe të verbër që të shkoni pas atij që ti bëhet qejfi Saliut dhe të marrë frymë SHQUP-I. ..21 qershori është dita që ju të bashkoheni pa dallim dhe ti jepni Dianës mundësinë për të drejtuar Pogradecin?.

MILE: PLAN KONKRET PËR POGRADECIN, MË SHUMË PUNËSIM
Kandidatja e majtë për Bashkinë e Korçës, Diana Mile tha se ka një plan konkret për Pogradecin, duke ofruar më shumë punësim në turizëm, bujqësi dhe blegtori. Mile tha se Pogradeci do të jetë qyteti i 4 stinëve.

?Modeli që unë ofroj është një alternativë e pastër, e sinqertë dhe reale. Unë sot i njoh kërkesat tuaja, i njoh nevojat tuaja dhe e di me çfarë duhet të punoj. Ndaj kam hartuar një plan konkret dhe në këtë plan bëjnë pjesë të gjithë pogradecarët. Për të zbatuar këto projekte presim 21qershorin. Që këto projekte të realizohen duhen më shumë njerëz dhe do ketë më shumë punësim. Do të ketë më shumë punësim në turizëm, bujqësi dhe blegtori?, tha Mile.





Lajmet e fundit nga