web counter
LEXO PA REKLAMA!

SHKARKO APP

App Store
Google Play

Donald Lu: Kandidatët e inkriminuar poshtërim i madh për kombin shqiptar

18 Qershor 2015, 06:04, Politikë CNA

Nuk ka paqe mes qeverisë shqiptare dhe Shteteve të Bashkuara të Amerikës pa larguar kandidatët e inkriminuar nga zgjedhjet e 21 Qershorit. Teksa na ndajnë edhe tre ditë nga zgjedhjet e 21 Qershorit, Uashingtoni dhe Brukseli kanë ashpërsuar më tej gjuhën në adresë të kryeministrit Edi Rama dhe kryetarit të opozitës, Lulzim Basha, për të larguar kandidatët e fundit të inkriminuar.

Ndërsa Basha vendosi të largonte një kandidat, i cili rezultoi se ishte i dënuar për drogë, kryeministri Edi Rama refuzon të largojë dy kandidatë, të skeduar tashmë nga amerikanët, Brukseli dhe prokuroria për veprimtarinë e tyre kriminale në të shkuarën.

Ndërkaq, ambasadori amerikan në Tiranë, Donald Lu, ka artikular dje për BIRN një tjetër mesazh të fortë për krerët e politikës së Tiranës. Ambasadori i SHBA në Tiranë, Donald Lu, ka deklaruar se vendosmëria e dukshme e partive për të kandiduar njerëz të dyshuar për krime përbën një poshtërim të popullit shqiptar. Ambasadori i SHBA-së në Tiranë, Donald Lu, i cili ka bërë gjithashtu përpjekje kundër nominimit të kandidatëve me të shkuar kriminale, thotë se Shqipëria meriton të ketë kandidatë më të mirë.

Kryediplomati amerikan ka pohuar gjithashtu se këta kandidatë të inkriminuar i vjedhin paratë për mercedezët e tyre të zinj. Ambasadori amerikan ka pohuar se u takon votuesve që të refuzojnë këta kandidatë. ?Nëse do të zgjidhen, ata do pretendojnë se ju mbështesin, ndërkohë që vjedhin paratë tuaja për të financuar Mercedezët e zinj luksozë, vilat anës detit apo rezidencat e tyre skandaloze. Shqipëria meriton më shumë. Tashmë i takon votuesve t?i refuzojnë këta kriminelë që përbëjnë tallje për sistemin politik të Shqipërisë,? shtoi ai. Në këtë kuadër, ambasadori amerikan ka bërë përgjegjës Partinë Demokratike dhe Partinë Socialiste, të cilat kanë vendosur në lista kandidatët e inkriminuar.

 





Lajmet e fundit nga