Keshilli Ekzekutiv i Konferences Gjyqesore mbetet reformen ne Drejtesi

18 Qershor 2015, 17:08, Kronika CNA

Konferenca Gjyqësore Kombëtare mbështet reformën në drejtësi, të cilën e shesh si një domosdoshmëri të realitetit shqiptar,e qendrimi behet i ditur përmes një deklarate të Këshillit Ekzekutiv,

?Kjo reformë duhet të çojë në forcimin e shtetit të së drejtës në Shqipëri, mbrojtjen sa më mirë të interesave të qytetarëve dhe rritjen e besimit të publikut në sistemin e drejtësisë. Pikërisht për këto arsye, përfaqësues të gjyqësorit kanë marrë dhe do të vazhdojnë të marrin pjesë në grupet e punës të ngritura për këtë qëllim?, thuhet në deklaratë.

Gjyqësori vlerësohet si një ndër hallkat më problematike të gjithë sistemit të drejtësisë, e për këtë objektiv, sipas Konferencës së Gjyqtarëve, duhet të jetë rritja e performancës përmes forcimit të pavarësisë dhe luftës ndaj korrupsionit.

?Këshilli është i vetëdijshëm se në radhët e gjyqësorit ka edhe gjyqtarë të papërgjegjshëm dhe të korruptuar. Por nga ana tjeter ai shprehet me vendosmëri se distancohet qartësisht dhe dënon me forcë çdo shfaqje korruptive në sistemin e drejtësisë?, vijon deklarata.

Këshilli thotë se ?përcjell me shqetësim disa deklarata dhe qëndrime të ditëve të fundit, që u drejtohen në masë e pa dallim të gjithë gjyqtarëve?.

?Këto deklarata përkeqësojnë imazhin e gjyqësorit dhe përbaltin misionin e punën e përditshme të gjyqtarëve. Mendojmë se nuk është e drejtë që të identifikohet dhe të përgjithësohet puna dhe veprimtaria e trupës gjyqësore me akte të veçanta, të cilat nuk përfaqësojnë në asnjë rast figurën dhe punën e përditshme të gjyqtarëve. Statistikat më të thjeshta gjyqësore tregojnë qartësisht punën voluminoze, të përgjegjshme dhe serioze, e cila realizohet çdo ditë nga qindra gjyqtarë të sistemit gjyqësor?, thuhet në deklaratën e Këshillit Ekzekutiv.

Më tej u bëhet thirrje përfaqësueve të institucioneve shtetërore, shoqërisë civile, medias dhe qytetarëve që të ?tregojnë maturi dhe vetëpërmbajtje në shfaqjen e mendimeve dhe qëndrimeve denigruese, fyese dhe negative ndaj gjyqësorit?.

?Këshilli Ekzekutiv fton çdokënd të denoncojë me kurajo dhe me fakte, çdo gjyqtar i cili devijon nga rruga e ligjit dhe shpërdoron besimin dhe auteritetin e dhënë nga ligji për të administruar drejtësinë?, mbyllet deklarata e Këshillit Ekzekutiv të Konferencës Gjyqësore.