web counter
LEXO PA REKLAMA!

SHKARKO APP

App Store
Google Play

E fundit!

x

Le Monde: Kosova e katerta ne bote per numrin e luftetareve me ISIS

16 Qershor 2015, 13:41, Kosova & Bota CNA

E përditshmja franceze Le Monde, bazuar në një raport të bërë publik nga Organizata e Kombeve të Bashkuara shkruan se janë rreth 150 shqiptarë që luftojnë nën flamurin e zi të shtetit Islamik. Në raport mes numrit të popullsisë dhe numrit të luftëtarëve radikalë, rezulton se Shqipëria renditet i nënti mes 26 vendeve nga të cilët rezulton se janë rekrutuar luftëtarë. Në këtë raport Shqipëria ngjitet më lart dhe në krahasim me vende myslimane si Maroku, Turqia apo Kuvajti.

Situata më e rënduar shfaqet në Kosovë. Shokët e Lavdërim Muhaxherit kanë bërë që Kosova të renditet në vendin e katërt në botë përsa i përket luftëtarëve që janë rreshtuar me ISIS në raport me popullsinë e saj, me rreth 232 luftëtarë.

Por përveç alarmit për numrin e lartë të ekstremistëve në raport me popullsinë, alarmant është edhe shtimi i elementëve radikalë në vend.

Në Ballkan, Kosova, Bosnja e Hercegovina dhe Shqipëria janë tre ndër vendet furnizuese me luftëtarë mes 10 vendeve që kanë më shumë shtetas në Siri dhe Irak në raport me popullsinë. Një tjetër alarm i dhënë nga raporti më i fundit i Kombeve të Bashkuara është dhe rritja e paparashikueshme e numrit të personave të rreshtuar në radhët e ISIS. Nëse në shtator të vitit të kaluar numëroheshin rreth 15 mijë luftëtarë te huaj, në fund të majit të këtij viti kjo shifër arriti në 25 mijë persona të huaj që luftojnë për krijimin e Kalifatit, duke e rritur këtë shifër me 71% për qind më shumë luftëtarë të huaj në 8 muaj. Pjesëmarrja e lartë e shtetasve nga Kosova dhe Maqedonia në radhët e shtetit islamik ka sjellë dhe një rrezik të shtuar për akte terroriste.

Të hënën nga mediat kosovare u bënë publike disa informacione për akte te mundshme terroriste në Kosovë dhe Maqedoni të porositura nga shqiptarët e këtyre trevave.

 





Lajmet e fundit nga