E fundit!

14:19 Aktualitet

"Një ditë do të thonë se flamingot janë agjentë iranianë"/ Irani reagon pas deklaratave të Ramës për protestat

Zëdhënësi i Ministrisë së Jashtme të Iranit, Esmail Baghae...

Kosova i fal Serbise nje operator te telefonise se levizsshme

16 Qershor 2015, 13:31, Kosova & Bota CNA

Qeveria e Kosovës ka pranuar një propozim të Serbisë që ky shtet të kete kontrollin dhe pronësinë e një operatori të telefonisë së lëvizshme dhe celulare në territorin e Republikës së Kosovës. Pritet që ky operator telefonik të shtrihet në Kosovë nëpërmjet Serbisë dhe të jetë aneks i shtetit serb në funksion kryesisht të minoritetit serb në Kosovë dhe banorëve të Serbisë. Jozyrtarisht mësohet se operatori i ri nuk është asgjë tjetër veçse ligjërim i një prej kompanive që operojnë ilegalisht me mbrojtje serbe.

Marrëveshja është pranuar nga qeveria e Kosovës në Bruksel e cila thotë se në këmbim do të ketë kodin e saj telefonik (+383).

Pakti u miratua parimisht pasi është mbajtur takimi i grupeve punuese për zbatimin e marrëveshjes për telekomin në mes të delegacionit të Republikës së Kosovës dhe Serbisë me ndërmjetësimin e Bashkimit Evropian, takim ky i cili ka zgjatur për plot 17 orë bisedime.

Delegacioni i Kosovës i kryesuar nga ministrja për Dialogun në Qeverinë e Kosovës, Edita Tahiri e cila deklaroi se në këtë raund të bisedimeve në mes të Kosovës dhe Serbisë me ndërmjetësimin e BE-së është biseduar për përafrimin e qëndrimeve në mes palëve në çështjet që janë të lidhura me finalizimin e planit për veprim.

Plani për veprim parasheh që edhe çështja e bashkëpunimit në shërbimet postare në mes të të dyja shteteve të diskutohet dhe të përmbyllet deri në muajin dhjetor të këtij viti.

Kodi telefonik i Kosovës, tani +383

Kosova do të marrë kodin telefonik ndërkombëtar +383 drejtpërdrejt nga ITU dhe se u konfirmua edhe njëherë se kërkesa në emër të Republikës së Kosovës do të bëhet nga ana e Austrisë.

Ministrja për Dialogun në Qeverinë e Kosovës, Edita Tahiri, deklaroi se caktimi dhe marrja e kodit telefonik për Kosovën ka rëndësi të madhe.

?Caktimi dhe marrja e kodit telefonik për Kosovën ka rëndësi të madhe sepse Kosova do ketë një kod unik dhe të vetëm siç e ka çdo shtet, për dallim nga situata e tashme kur në përdorim janë disa kode?, – tha ajo.