E fundit!

14:34 Aktualitet

Kërcënim për sigurinë kombëtare/ Ikballe Berisha shpallet “non grata” në Shqipëri

Ministri i Brendshëm Besfort Lamallari ka nxjerrë urdhrin ...

Koço Danaj: Maqedonia do të ndahet, Lavrovi fashist

24 Maj 2015, 07:24, Aktualitet CNA

Koço Danaj, ideator i Platformës për Shqipërinë Natyrale, të cilën serbët, rusët dhe grekët e quajnë Shqipëria e Madhe, ka reaguar pas kërcënimeve të ministrit të Punëve të Jashtme të Rusisë, Sergei Lavrov, i cili paralajmëroi se Moska do të angazhojë ushtrinë nëse shqiptarët prishin interesat e saj në Maqedoni.

Koço Danaj ka deklaruar se kryediplomati i Rusisë mbron fashistët Gruevski dhe Jankullovska, i pari i akuzuar si orkestruesi i masakrës në Kumanovë, ndërsa ish-ministrja e Brendshme, Jankullovska, ka deklaruar se nuk duheshin larë hesapet me shqiptarët, se nuk bashkëjetonte dot në një shtet me shqiptarët dhe se mund t?i shfaroste për një orë. Danaj ka deklaruar se pak ditë pasi Rusia festoi me madhështi 70 vjetorin e fitores mbi fashizmin, Moska mbështet fashistët në krye të qeverisë së Maqedonisë.

?Pak ditë pasi Rusia festoi me madhështi 70 vjetorin e fitores mbi fashizmin, pak ditë pasi Putin dhe gjithë udhëheqja ruse folën për kontributin e jashtëzakonshëm të ish-popujve sovjetikë në këtë luftë antifashistë, ndodh një dukuri që rrëzon të gjitha ato që tha Putin. Çfarë? Ministri i tij i Jashtëm, Sergei Lavrov, me anë të një deklarate doli hapur në mbrojtje të fashizmit maqedonas të përfaqësuar nga Gruevski, Jankullovska dhe Mihajllkov. Për ata që e njohin rrënjët e fashizmit dhe nazizmit, ata e dinë mirë se në themel të tij qëndron pabarazia e racave, e kombeve dhe kombësive?, tha Danaj.

Ideatori i Platformës për Shqipërinë Natyrale shtoi se qasja e qeverisë Maqedonase ndaj shqiptarëve është njolloi si qasja e Hitlerit ndaj hebrenjve. ?Mjafton të lexosh traktatin e Zhozef Artur Kont De Gobino mbi pabarazinë e racave dhe kombeve, mjafton të dish se ideologu i nazizmit, Alfred Rosenberg, e mori për bazë këtë libër kur përpunoi platformën ideologjike të partisë naziste të Adolf Hitlerit. Mjafton të kujtosh se mbi bazën e pabarazisë së racave, Hitleri hodhi në fillim idenë se hebrenjtë janë racë e papastër dhe të egër që pastaj përfundoi në Holokaust.

Po Gruevski dhe ideologjia e tij Jankullovska çfarë tha për shqiptarët? Tha që ata janë ?indianë dhe racë e egër?tha që unë mund t?i shfaros për një orë??. Dhe pas kësaj ndodhi tragjedia e Kumanovës. Pra u kalua nga pohime fashiste në veprime fashiste. Njësoj si në Gjermaninë naziste?, pohoi Danaj.

Kërcënimi i Lavrovit

Koço Danaj e ka konsideruar ministrin e Jashtëm të Rusisë fashist, duke iu referuar mbështetjes së tij për Gruevskin dhe Jankullovskën. ?Atëhere si ka mundësi që një ?antifashist? si Lavrov që e njeh shumë mirë historinë e nazizmit, që e njeh mirë teoritë e Gobinos dhe të Rozenbergut, të mbrojë fashizmin maqedonas dhe të akuzojë shqiptarët. Ka vetëm një mundësi. ?Antifashizmi? i Lavrovit është maska, ndërsa thelbi i tij është adhurimi ndaj Gobinos dhe Rozenbergut, është pabarazia e racave, është fashizmi i shekullit të 21?, tha Danaj.

Ndarja e Maqedonisë

Koço Danaj e sheh ndarjen e Maqedonisë si pjesë e projektit të bashkimit të Shqipërisë, pra të rikthimit të Shqipërisë Natyrale. ?Ka vetëm një zgjidhje, nuk ka asnjë zgjidhje tjetër: Vetëm bashkimin e Shqipërisë. Kjo është mënyra e vetme që t?i shpëtojë shqiptarët nga shovinizmi dhe fashizmi maqedonas. Nikolla Gruevski dhe Zoran Zaevin (kryetari i LSDM, partisë në opozitë) dallohen për brutalitet, por nuk dallohen për thelbin e tyre që përballë shqiptarëve të dy janë po aq shovinistë, po aq fashistë, po aq armiq, dhe të njëjtë në qëndrimet dhe taktikat që përdorin ndaj shqiptarëve?, ka pohuar Danaj./sot.com.al