web counter
LEXO PA REKLAMA!

SHKARKO APP

App Store
Google Play

Omonia: Zgjedhja e Shpëtim Idrizit si nënkryetar i Parlamentit njollos shtetin Shqiptar

24 Maj 2015, 06:05, Aktualitet CNA

Organizata e minoritetit grek OMONIA, ka dalë kundër koalicionit të qeverisë me PDIU-, të cilë e quan si njollë për shtetin shqiptar.

Qëndrimin e  saj OMONIA e justifikon me shqetësimin në Evropë për rritjen e nacionalizmit ekstrem.

Deklarata  e OMONIA-s

Përfshirja e partisë PDIU në koalicionin qeverisës si dhe zgjedhja e Idrizit në pozicionin e N/Kryetarit të Parlamentit Shqiptar, njollos imazhin e shtetit të rilindur që mundohet të promovojë Kryeministri i Shqiperisë.

Në një kohë qe e gjithe Europa ndjek me shqetësim rritjen e valës së një nacionalizmi ekstrem dhe forcat e shëndosha demokratike pozicionohen kundër tij duke izoluar këto fenomene, z. Rama me veprimet e tij dhe deklaratat publike vepron ne drejtimin e kundërt. Kulmin e kësaj politike te rrezikshme e përbën edhe përfshirja ne koalicionin qeverisës të një partie qe të vetmen arsye ekzistence ka kultivimin e urrejtjes ndaj Greqisë dhe helenismit në përgjithësi.

Dorëheqja e deputetit të Omonias Vangjel Dule nga pozicioni i N/kryetarit të parlamentit dhe largimi i PBDNJ nga bashkëqeverisja me Partinë Socialiste është  një tregues tjetër i pozicionimit te drejtë politik te OMONIAs e Minoritetit Etnik Grek në Shqiperi. Në këtë frymë Omonia do të vazhdojë rrugën e saj të përfaqësimit me dinjitet të Minoritetin Etnik Grek  duke kontribuar njëkohësisht në demokratizimin e vendit.





Lajmet e fundit nga