web counter
LEXO PA REKLAMA!

SHKARKO APP

App Store
Google Play

E fundit!

x

Ditmir Bushati nën “breshrin” e kritikave të Bundestagut gjerman

23 Maj 2015, 21:01, Aktualitet CNA

Nuk kanë fund telashet për ministrin e jashtëm Ditmir Bushati. Ka qenë një takim i sikletshëm ai i në Berlin në Komisionin e Çështjeve Europiane të Bundestagut. Burime të brenda takimit i thanë lapsi.al se ajo që e prishi që në fillim atmosferën ishte vonesa 30 minutëshe e ministrit të jashtëm shqiptar që nuk u pa me sy të mirë nga deputetët gjermanë.

Sapo Bushati është ulur kanë filluar kritikat e deputetëve gjermanë mbi reformat dhe gjendjen në Shqipëri. Të njëjtat burime i thanë lapsi.al se deputetët gjermanë i mëshuan me forcë mospërmbushjes së reformave të vendosura nga BE. Në takim u ngrit edhe çështja ?Doshi? si dhe reforma territoriale që sipas tyre ka krijuar ?salamandra territoriale?.

Ministri i jashtëm shqiptar i gjendur ?në breshrin? e kritikave i ka kundërshtuar, por deputetët gjermanë nuk janë ndalur. Ata kanë kërkuar shpjegime për deklaratat e kryeministrit Edi Rama për Shqipërinë e Madhe, për situatën në Maqedoni, etj. Gjermanët e kundërshtuan ashpër deklaratën e Ramës për bashkimin kombëtar mes Shqipërisë dhe Kosovës. Ata nënvizuan se Bundestagu gjerman nuk ka respektuar asnjëherë deklarata të tilla të papërgjegjshme, jo-serioze dhe që sjellin shqetësime në rajon.

Megjithëse takimi nisi me 30 minuta vonesë ai u mbyll fiks në kohën e përcaktuar më herët duke i dhënë të kuptojë kryediplomatit shqiptar se ishte ai shkaku i vonesës së takimit që për gjermanët mbetet e papranueshme./lapsi.al/





Lajmet e fundit nga