E fundit!

23:00 Aktualitet

Zgjedhja e ekipit drejtues të PD-së/ Vijon numërimi i votave në selinë blu

Vijon procesi i numërimit të votave për zgjedhjen e strukt...

Keti Bazhdari humbet qetësinë përballë Voltana Ademit, nxit të rinjtë për dhunë verbale

23 Maj 2015, 18:32, Aktualitet CNA

Ishte programuar për të qene një takim mbi shpalosjen e programit për rininë shkodrane nga dy kandidatet femra Ademi dhe Bazhdari por ka degjeneruar në dhunë verbale dhe akuza politike kundrejt përfaqësueses së djathë për Bashkinë e Shkodrës, Voltana Ademi. Organizata ?Intelektualët e rinj, Shpresë? organizoi paraditen e sotme një takim të hapur me të rinjtë me qëllim nenshkrimin e një kontrate sociale me dy kandidatet për Bashkinë e Shkodrës mbi bazën e katër prioriteteve që ato duhet të realizojnë për rininë brenda mandatit të tyre. Sipas programit të kësaj shoqate, aktiviteti ishte parashikuar në menyrë të tillë që secilës prej kandidateve t?u jepej një minutazh i barabartë kohor për të paraqitur platformën e tyre konkrete për të rinjtë e në fund të takimit do zhvilloheshin pyetje nga pjesmarrësit për dy përfaqësueset politike. Ajo çfarë u vu re dukshëm në këtë aktivitet ishte mungesa e theksuar e organizimit nga ana e shoqatës ?Intelektualët e rinj, Shpresë? dhe ngërrçi në moderim i gazetarit Blendi Salaj. Takimi filloi me 30 minuta vonesë për shkak të mungesës së Keti Bazhdarit në sallë, megjithse ftesa publike për pjesmarrësit dhe mediat ishte llogaritur për në 10.30.

Moderatori Blendi Salaj, i ka ftuar kandidatet e dy partive kryesore që të prezantojnë programin e tyre për rininë dhe e para që e ka marrë fjalën ka qenë Voltana Ademi, përfaqësuesja e koalicionit të djathtë. Në mënyrë rigoroze ajo ka parashtruar alternativat e saj për zgjidhjen e problematikave të të rinjëve, duke respektuar minutazhin e parashikuar. Që në nisje të takimit është vërejtur një ndjenjë inferioriteti dhe nervozizmi nga ana e kandidates së majtë Keti Bazhdari e cila që në nisje te fjalës së saj ka diskutuar në terma të përgjithshme e shumë shpejt ka kaluar në akuza politike për Bashkinë aktuale të Shkodrës, pa shpalosur asnjë fjalë të vetme nga projekti i saj për rininë. Si shenjë e nervozizmit të qartë të saj është parë edhe fakti që ajo ka preferuar të flasë në këmbë e shpesh herë duke provokuar një pjesë të pjesmarrësve që mesa duket mbështesnin kandidaten Ademi duke i?u drejtuar një vajze me fjalët ?mos mi rrudh vetullat mu?. Fjalët e saj të cilat i përshtateshin më së miri një mitingu elektoral e jo një komunikimi civil me grupin e interesit, kanë nxitur ovacione, thirrje, duartrokitje e fishkëllima për minuta të tëra nga mbështetësit në sallë. Duke u entuziasmuar nga fishkëllimat dhe thirrjet e denja për një stadium futbolli, ajo ka marrë zemër për të bërë deklarime emocionale të pa menduara siç ishte premtimi për të punësuar 200 të rinj si ciceronë në Kalanë e Shkodrës.

As organizatorët e takimit e as moderatori Blendi Salaj nuk kanë mundur të menaxhojnë situatën e cila degjeneroi deri në fyerje personale si nga ana e kandidates Keti Bazhdari dhe nga ana e militantëve të saj në sallë. Sipas burimeve konfidenciale është vërejtur edhe prania e personave me precedentë penalë në sallë të cilët mesa duket e mendonin takimin si një arenë titanësh e jo një përballje qytetare.

Të gjendur përballë një situate tejet të tensionuar, të pa aftë për ta menaxhuar, organizatorët janë detyruar ta mbyllin takimin menjëhëherë pa u dhenë mundësi të rinjëve për të drejtuar pyetje. Kjo klimë konfliktuale e pa menaxhueshme nga ana e organizatorëve me siguri që nuk do të lerë një shije pozitive tek donatorët e tyre të cilët japin fonde për aktivitete civile e qytetare.

Fatmir Taraboshi