web counter
LEXO PA REKLAMA!

SHKARKO APP

App Store
Google Play

46 mijë maturantë japin sot provimin e gjuhës së huaj

23 Maj 2015, 06:35, Aktualitet CNA

Provimi i Gjuhës së Huaj është sfida e parë e maturantëve. Sot mbi 46.000 maturantë do të japin provimin. Ai do të zgjasë jo më shumë se 2 orë e 30 minuta dhe ka 25 pyetje. Autoritetet arsimore garantojnë marrjen e masave dhe u kërkojnë maturantëve të mos tentojnë për kopje, sepse përjashtohen nga ky proçes.

Autoritetet arsimore bëjnë më dije se kanë marrë të gjitha masat e nevojshme infrastrukturore, materiale, me qëllim garantimin e një proçesi tërësisht normal testimi.

Sipas marrëveshvejve midise Ministrive të linjës, Ministria e Brendshme do të garantojë sigurinë në të gjitha qendrat e provimeve në vend, duke lënë efektivë police në gadishmëri nga mëngjesi në orën 10:00 deri në përfundimin e këtij testi.

Kurse Posta Shqiptare do të garantojë transportimin e materialeve të provimit, në të gjitha Drejtoritë dhe zyrat arsimore.

Provimi do të nisë në orën 10:00 dhe nuk do të zgjasë më shumë se 2 orë e 30 minuta.

Testi për secilin provim të detyruar përmban 25 pyetje, 13 me alternativa dhe 12 me zhvillim. Maksimalisht janë 50 pikë. Maturanti nuk quhet kalues nëse merr me pak se 20% të pikëve.

Autoritetet arsimore u kërkojnë maturanëve të bëjnë kujdes gjatë këtij proçesi. Duhet të marrin dokumente identiteti me vete dhe duhet të lënë jashtë klasës aparate celularë apo çdo pajisje tjetër që mund të përdorin për kopjim.

Në rast se administratorët, pra mësues që monitojnë këtë proçes, do të vërtetojnë që një maturant kopjon, ai përjashtohet dhe nuk ka të drejtë të japë provime të tjera.

Pas provimit të Gjuhës së Huaj, Ministria e Arsimit jep edhe datat e tjera të provimeve të maturës:

29 Maj- Gjuha Shqipe dhe Letërsi

9 Qershor- Matematika

19 Qershor ? Provimet me zgjedhje





Lajmet e fundit nga