web counter
LEXO PA REKLAMA!

SHKARKO APP

App Store
Google Play

E fundit!

x

“Eurovision 2015”, skualifikohen votat e Malit të Zi dhe Maqedonisë

24 Maj 2015, 09:31, Aktualitet CNA

Festivali europian i Këngës, ?Eurovision Song Contest?, pikërisht në një përvjetor jubilar si ai i 60-i është goditur nga një skandal votimi.

Shpërndarja e pikëve nga Mali i Zi dhe Maqedonia, dy vende fqinje të cilat i dhanë më shumë pikë Shqipërisë në finalen e madhe të mbrëmjes së ditës së shtunë, respektivisht 10 dhe 12 pikë për ?I?m Alive? të Elhaida Danit, mëngjesin e së dielës janë zeruar.

Lajmi vjen nga vetë zyrtarë të ?Eurovision?-it, të cilët e argumentojnë skualifikimin e votimeve të këtyre dy vendeve me faktin se ?është vërtetuar që pikët ishin 100% prej votave të vendit, dhe jo 50% prej votave e 50% prej një jurie profesioniste?, siç kërkohet nga rregullorja.

Zyra e shtypit e ?Eurovision?-it lëshoi mëngjesin e së dielës një deklaratë informuese, pasi rikonfirmoi fitoren e Suedisë.

?Rezultatet e jurisë së ish-Republikës jugosllave të Maqedonisë dhe Malit të Zi, gjatë mbrëmjes së finales së madhe të eventit janë skualifikuar, pas konsultimeve me vëzhguesin e pavarur të votave të këtij festivali, si dhe pas vendimit të parë nga supervizori ekzekutiv dhe udhëheqësi i grupit të referencave. Në të dy vendet, televotimet janë aplikuar në 100% të rezultateve. Përjashtimi i dy jurive do të diskutohet më tej në takimin e ardhshëm të grupit të referimit, në qershor?.

Rezultati nuk ndikon aspak në fitoren e Mans Zelmerlow të Suedisë, i cili mbrëmjen e djeshme siguroi 365 pikë për të kryesuar kundrejt Rusisë dhe Italis, por rrezikojnë përfaqësimin e Shqipërisë, e cila në rast se konfirmohet përfundimisht ky pezullim, do të bënte që vendi ynë të përfundonte me vetëm 12 pikë, të marra nga Greqia dhe Belgjika.

/ Top Channel

 





Lajmet e fundit nga