web counter
LEXO PA REKLAMA!

SHKARKO APP

App Store
Google Play

E fundit!

x

PD: Papunësia u rrit me 7 për qind, Veliaj përsërit premtime të pambajtura

22 Maj 2015, 13:34, Politikë CNA

Partia Demokratike e akuzon kandidatin e majtë për Tiranën Erion Veliaj se përsërit premtimet e pambajtura.

Ashtu si përditë PD denoncon ato që i cilëson mashtrime të kandidatit Veliaj, sot deputetja Albana Vokshi deklaroi se Erion Veliaj po përsërit premtimet e pambajtura të dy viteve më parë, veçse kësaj radhë me ambalazh për Tiranën.

Ajo tha se edhe në 2013 Veliaj premtoi të paktën 150 000 vende te reja pune nga zhvillimi i bujqësisë, blegtorisë dhe aktiviteteve të tjera rurale.

?Ku janë 150 000 vendet e reja të punës në bujqësi dhe blegtori? Erioni ishte ministri përgjegjës për t?a realizuar këtë premtim. Ai kishte plot 40% të buxhetit të shtetit për të realizuar këtë dhe dhjetëra premtime të tjera që po ia përmendim çdo ditë. Erioni premtoi por mashtroi. Mashtroi prapë para dy javësh kur tha se ishin hapur vende pune por se sipas tij ?Shqiptarët ishin dembelë?. Por mashtrimin e tij e përgënjeshtrojnë Sigurimet Shoqërore të qeverisë, si edhe INSTAT-i i vetë qeverisë që tregoi se këto dy vite papunësia është rritur me 7%!? u shpreh Vokshi.

Ajo deklaroi se Veliaj premton prapë veç për të marrë pushtet dhe nuk e ka problem t?i mashtrojë sërish qytetarët sapo ta ketë pushtetin.





Lajmet e fundit nga