E fundit!

22:51 Aktualitet

Biznesmeni Artur Shehu thyen heshtjen: Jam pronar i vjetër i tokës në Zvërnec, nuk i njoh fare investitorët

Biznesmeni shqiptar Artur Shehu ka folur në emisionin Opin...

Bojaxhi-Veliajt: Je shembulli i atyre të rinjve që bëhen vegla të sistemit të korrupsionit të dy partive kryesore

22 Maj 2015, 11:28, Politikë CNA

Kandidati i pavarur Gjergj Bojaxhi ka reguar pas deklaratëssë Erion Veliajt se duhet të denoncojë me emra konkretë betonizimin e parkut të liqenit. Bojaxhi në një deklaratë për media shprehet se është i vetmi që ka denoncuar me emër dhe mbiemër, datë dhe firmë, bashkëpunimin e turpshëm të Sali Berishës, Lulzim Bashës dhe kapitenit të Erjonit, Edi Ramës, për betonizimin e parkut.

Deklarata e Gjergj Bojaxhi

Dje në mbrëmje, ministri i Ramës për Tiranën, Erjon Veliaj, deklaroi se Gjergj Bojaxhi duhet të denoncojë me emra konkretë shkaktarët e betonizimit të parkut të liqenit. Veliaj gënjen hapur. Gjergj Bojaxhi është i vetmi që ka denoncuar me emër dhe mbiemër, datë dhe firmë, bashkëpunimin e turpshëm të Sali Berishës, Lulzim Bashës dhe kapitenit të Erjonit, Edi Ramës, për betonizimin e parkut. Të tre këta persona kanë nënshkruar masakrimin e hapësirave të gjelbërta.

Çfarë shprese mund të kenë qytetarët për z.Veliaj kur ai nuk guxon të denoncojë rolin e Edi Ramës në masakrimin e mushkërive të gjelbërta të Tiranës. Çfarë shprese mund të kenë qytetarët e Tiranës për z.Veliaj kur ai i betohet për besnikëri dhe vazhdimësi të pakushtëzuar ish-kryebashkiakut Rama që e ktheu Tiranën në pyll betoni në bashkëpunim me Sali Berishën dhe Lulzim Bashën.

Rasti i Veliajt dëshmon se lufta mes PD-se dhe PS-së është vetëm një teatër i pacipë, ndërkohë që të dy partitë bashkëpunojnë me njëra-tjetrën dhe me bizneset e tyre klienteliste në kurriz të qytetit. Z.Veliaj, është gjithashtu një shembull i atyre të rinjve që në vend që të përpiqen për ndryshimin e politikës përmes vlerave të vërteta, bëhen vegla të sistemit të korrupsionit të dy partive kryesore dhe bizneseve te tyre.