web counter
LEXO PA REKLAMA!

SHKARKO APP

App Store
Google Play

E fundit!

x

Vokshi: Veliaj mashtroi për hapjen e 150 mijë vendeve të punës në bujqësi e blektori

22 Maj 2015, 13:05, Politikë CNA

Deputetja e Partisë Demokratike, Albana Vokshi ka akuzuar kandidatin e majtë për bashkinë e Tiranës, Erion Veliaj për mosmbajtjen e premtimeve.

Sipas saj, Veliaj në fushatën e tij për bashkinë po përsërit premtimet e pa mbajtura të dy viteve më parë, por këtë herë me ambalazh për Tiranën.

Ajo theksoi se Veliaj nuk mbajti premtimin për hapjen e 150 000 vendeve të reja të punës në bujqësi dhe blektori edhe pse kishte në dispozicion 40% të buxhetit të shtetit, për të realizuar shumë premtime.

Më poshtë deklarata e plotë për shtyp e deputetes Albana Vokshit
Erion Veliaj po përsërit premtimet e pambajtura të dy viteve më parë, veçse kësaj radhe me ambalazh për Tiranën. Edhe në 2013 Erioni PREMTOI: ?Të paktën 150,000 vende te reja pune nga zhvillimi i bujqësisë, blegtorisë dhe aktiviteteve të tjera rurale.?
Ku janë 150,000 vendet e reja të punës në bujqësi dhe blegtori? Erioni ishte Ministri përgjegjës për t?a realizuar këtë premtim. Ai kishte plot 40% të buxhetit të shtetit për të realizuar këtë dhe dhjetëra premtime të tjera që po ia përmendim çdo ditë. Erioni premtoi por mashtroi.
Mashtroi prapë para 2 javësh kur tha se ishin hapur vende pune por se sipas tij ?Shqiptarët ishin dembelë?. Por mashtrimin e tij e përgënjeshtrojnë Sigurimet Shoqërore të qeverisë, si edhe INSTAT-i i vetë qeverisë që tregoi se këto dy vite papunësia është rritur me 7%!
Erioni prapë premton veç për të marrë pushtet dhe nuk e ka problem t?i mashtrojë sërish qytetarët sapo ta ketë pushtetin.
Ka dy javë që çdo ditë po i kujtojmë Erionit nga një tjetër premtim të thyer dhe nga një tjetër mashtrim, sepse votuesit nuk do të mashtrohen përsëri.





Lajmet e fundit nga