Të famshëm për veshjen

16 Maj 2015, 14:00, Lifestyle CNA

Shpesh herë ndodhë që një fjalë e thjeshtë të cilën e lexon apo e dëgjon, të motivon dhe të jep energji për të vepruar në drejtime të caktuara. E kjo ndodhë sidomos kur ato fjalë vijnë nga njerëz të cilët kanë lënë gjurmë në historinë e njerëzimit. Kjo e përfshinë edhe fushën e veshjes. Më që kjo është pjesë e rëndësishme e të qenurit Zotni, në vijim mund të lexoni disa nga shprehjet apo mendimet të cilat vijnë nga njerëz që me veshjen dhe stilin e tyre kanë frymëzuar një pjesë të konsiderueshme të shoqërisë:

James Dean ? ?Veshja mund të jetë aseti i juaj më i madh?

Kjo shprehje e thënë nga njëri prej aktorëve më të mire të shek. XX. Padyshim që është një mendim i vulosur dhe i goditur në shenjë. James Dean vdiq në moshë shumë të re, vetëm 24 vjeç, por popullariteti i tij mbetet i padiskutueshëm. Ai ka frymëzuar gjenerata të shumta me stilin dhe paraqitjen e tij, vazhdon të mbetet idhull edhe sot për shumë meshkuj anë e mbanë globit.

John Lennon ? ?Gjithmonë kërkoni gjëra të reja?

Njëri prej këngëtareve dhe kompozitorëve më të famshëm në botë, anëtari karizmatik i grupit legjendar ,,Beatles,, e kishte përdorur ketë shprehje kur ishte pyetur në lidhje me stilin e tij të veshjes dhe muzikës, që e bënte të dallohej prej të tjerëve, ku kohë pas kohe shfaqte shpirtin dhe karakterin e tij unik dhe pak rebel, si në muzikë ashtu dhe në paraqitje publike dhe koncerte.

Mick Jagger ? ?Është në mode të dukesh pak gangster?

Ky mendim nuk mund ti shkonte më shumë se sa karakterit të tij prej rokeri gangster. Mick Jagger, njëri nga frontmenët më të njohur në historinë e rock and roll-it, solisti i Rolling Stones me një karrierë mbi 50 vjeçare mbi supe vazhdon edhe sot të sfidoj gjeneratat e reja me stilin e tij të veshjes dhe paraqitjes.

Yves Saint Laurent ? ?Moda shkon, stili është ai që mbetet?

Ky mendim apo kjo shprehje ka kohë që është bërë si pjesë e fjalorit kur diskutohet për stilin dhe veshjen. Disenjator dhe stilist francez, është një ndër emrat me të mëdhenj dhe më me ndikim në industrinë e modës këto 20 viteve të fundit. Kur gjithçka gati mban emrin dhe vulën e tij nga veshjet e përditshme, duke kaluar te ato të modës se lartë, e deri tek aromat e parfumeve. I konsideruar unik në stil, shije dhe përzgjedhje. Ka veshur yjet më të mëdhenj të momentit nga paraqitjet e tyre në tepihun e kuq të çmimeve Oscar e deri të daljet e thjeshta dhe të zakonshme publike. Së fundmi disa nga kreacionet e tij janë veshur edhe nga ylli shqiptar Rita Ora.

David Beckham ? ?Te kujdesesh për veten është gjithmonë në modë?

Po te ishte thëne nga dikush tjetër ky mendim ndoshta nuk do të kishte dhe aq kuptim, por e thëne nga David Beckham gjërat në këtë rast behën ndryshe dhe mendimi merr kuptimin e duhur. Beckham, ish kapiten i kombëtares Angleze në futboll, ka dëshmuar tashmë se është njeri ndër personalitetet meshkuj më me ndikim të viteve të fundit për sa i takon stilit dhe veshjes. Pothuajse i pagabueshëm në paraqitje publike, por edhe ato private, është shembull për t?u ndjekur. Që të mësoni më shumë rreth David Beckham, vizitoni këtë link.

Justin Timberlake ? ?Rrobaqepësi është çelësi i një veshjeje?

Një veshje patjetër që duhet të ketë dhe prerjen e duhur, për t?u konsideruar e kompletuar si veshje. Justin e kishte kuptuar me kohë ketë gjë, që kur kishte nisur rrugëtimin e tij drejt famës si këngëtar/aktor/producent. Ai gjithmonë në turnetë e tij ka një rrobaqepës si pjesë te stafit. Ai është shume i kujdesshëm kur është në pyetje veshja. I konsideruar nga magazina dhe kritikë të shumtë mode si njëri prej meshkujve me stilin dhe veshjen më të mire në industrinë e muzikës dhe televizionit. Rëndësia e këtij mesazhi ritheksohet në artikullin ?Gjëja më e rëndësishme në gardërobën tuaj?

Këto pra ishin thëniet të cilat mund t?iu shërbejnë si këshilla për të përmirësuar dukjen tuaj dhe për të kuptuar rëndësinë e pamjes. Lidhur me këtë, ju ftojmë të lexoni artikullin ?Pse duhet t?i kushtoni rëndësi veshjes?.