Lidhja e kravatave

16 Maj 2015, 10:03, Lifestyle CNA

Besojmë që deri tani, me artikujt nga kategoria e veshmbathjës kemi arritur të ju tregojmë se kostumet kanë shumë detaje të cilave duhet të ju kushtohet rëndësi patjetër, në mënyrë që të ngjasoni me një Zotni. Kostumet e juaja mund të kenë kushtuar me mija Euro por në fund të ditës, nëse nuk jeni duke i veshur dhe duke i kombinuar siç duhet, rrezikoni të dukeni si një palaço.

Por, nëse e keni gjetur rrugën deri tek ky postim atëherë nuk ka nevojë për panikë sepse jeni në duar të sigurta. Nëse nuk i keni lexuar postimet e mëhershme të kategorisë së veshmbathjës, atëherë ajo është gjëja e parë që duhet të bëni. Nëse po, vazhdojmë tutje.

Sot do ju tregojmë se çfarë duhet të merrni në konsideratë kur vendosni të veshni këmishë, kravatë dhe xhaketë, më saktësisht llojet e jakave, gjerësia e kravatave dhe gjerësia e jakave në xhaketë.

Ekziston më shumë se një lloj i jakës së këmishës

Jakat më të ngushta janë më klasike ndërsa ato të gjera më moderne, me përjashtim të jakës në këmishën e fundit e cila është solemne dhe e dedikuar vetëm për flutura. Principi që duhet ta mbani në mend është ky: Sa më e gjerë hapësira në mes të jakës së majtë dhe të djathtë, aq më shumë hapësirë duhet të mbushni me nyjen e kravatës. Edhe një gjë: Tek këmisha e tretë, pullat e jakës gjithmonë DUHET të jenë të mbërthyera!

?Poashtu ekziston më shumë se një mënyrë e lidhjës së nyjes së kravatës

dhe varësisht nga lloji i lidhjës, nyja e kravatës bëhet më e madhe ose më e vogël. Zgjedhja e lidhjës së duhur bëhet duke e marrë për bazë llojin e jakës së këmishës (shih lartë). Këtu mund t?i gjeni udhëzimet e detajuara për secilin lloj të lidhjës së kravatës. Vëreni madhësitë e ndryshme të nyjeve të përdorura. Eksperimentoni dhe mësoni të gjitha përmendësh.

Gjerësia e jakës së xhaketës duhet të përputhët me gjerësinë e kravatës

Matja bëhet duke e krahasuar vijën më të gjerë të kravatës me vijën më të gjerë të jakës së xhaketës.

Ashtu siç shihet në fotografinë e dytë, gjerësia e të dyja pjesëve duhet të jetë e njejtë.

Nëse përdorni nyje të vogel në këmishë me jakë të gjërë ose anasjelltas, si jaka poashtu edhe kravata do jenë në disproporcion me njëra tjetrën. E njejta vlen për proporcionin në mes të jakës së xhaketës dhe gjerësisë së kravatës.