E fundit!

21:41 Aktualitet

VIDEO-Me flamuj kuqezi/ Protestuesit marshojnë në rrugët e Tiranës

Edhe në ditën e 27-të të protestës kundër qeverisë, qyteta...

Ora e dorës

16 Maj 2015, 12:00, Lifestyle CNA

Ora e dorës nuk është vetëm një shënues kohe i thjeshte që shpreh raportin që çdo njeri prej nesh krijon me boten, por është edhe një objekte me vijëzime të forta simbolike. Dikur përdorej si matës i kohës, sot kjo me nuk është arsyeja pse blihen orët e dorës. Ora e dorës ka zëne vendin e aksesorit më të rëndësishëm dhe njëkohësisht ndër më të kushtueshmin. Kombinimi i metaleve, gurëve të çmuar dhe materialeve të ndryshme, ka rezultuar në dizajnimin dhe krijimin e orëve të dorës, duke i bërë ato në mënyrë direkte zëvendësues të byzylykëve, si dhe ta plotësojnë veshjen dhe stilin e gjithë secilit. Si për nga krijimi dhe dizajnimi, çmimi, forma dhe madhësia e orëve ndryshojnë shumë nga njëra tjetra. Dikush zgjedh sipas mundësive financiare e dikush ka një koleksion të tërë, që e ruan me fanatizëm. Dikush e mban në dorën e majtë e dikush tjetër në të djathtë. Ka të atille që e duan me numra arab, e disa të tjerë me numra romak. Dikush fare nuk i pëlqen, e dikush tjetër pëlqen orët me fusha të shndritshme elektronike.

Në shumë kultura ora shpesh është konsideruar si një produkt mashkullor, sepse femrat kanë mënyra tjera për të komunikuar elegancën, bukurinë dhe prezencën shoqërore. Ora te meshkujt paraqet një mesazh të fort për të treguar kush je, në mënyre direkte e të shpejtë. Meshkujt janë të magjepsur nga nivelet e larta teknologjike të saj, eleganca dhe preciziteti. Sikurse të gjitha produktet e luksit edhe orët e dorës dallojnë dhe ndahen sipas stilit të veshjes, moshës dhe angazhimit profesional. Është shumë e rëndësishme që blerësit të bëjnë zgjedhjen e duhur në mënyre që të arrihet efekti i dëshiruar dhe që pamja e tij të jetë e kompletuar në aspektin estetik. Perceptimi se ora e dorës tregon se kemi të bëjmë e një zoteri elegant, të pasur dhe me shije vazhdon të ekzistoj në shumë vende.

Arti antik dhe modern i krijimit të orëve e ka qendrën në Zvicër edhe pse janë bërë tentativa të ndryshme për të eksportuar këtë dituri në vendet tjera të botës, por ekspeditat kanë dështuar që në fillim. Në bisedat mes njerëzve, gjithmonë flitet se vetëm një zviceran mund të prodhoj ora të sofistikuara dhe precize. Gjiganti më i njohur i orëve sot ne botë është padyshim Rolex, një sinonim për orët e dorës dhe i lakmuar nga të gjithë. Rolex prodhon çdo vit 100 mijë ekzemplare orësh të një niveli shume të lartë dhe unik. Kjo sasi mbulon vetëm një pjese të vogël të kërkesave në botë, dhe gjithmonë ka porosi për 10 vitet e ardhshme. Menaxheret e Rolex thonë se tregu i orëve është treg i shumë i veçantë që funksionon për mrekulli, i cili nuk njeh krizë edhe përkundër krizës ekonomike globale. Kjo ndodh sepse blerësit e Rolex janë besnik, unik dhe të pasur duke u nisur nga pjesëtarët e familjes mbretërore angleze, spanjolle, sulltani i Bruneit, yjet e sportit, muzikës, biznesit, filmit dhe televizionit, e deri te sheikët Arab, që adhurojnë të mbajnë në dorë një vepër arti unik zviceran.

Orët konsiderohen si instrumente të ndjeshme ndaj të cilave duhet të tregohet kujdes i shtuar në disa raste. Edhe përplasjet me të vogla mund të shkaktojnë dëme të mëdha në mekanizmin e orës apo edhe një pjesë të jashtme të saj. Kontakti i orës me ujin po ashtu konsiderohet si një ndër shkaktaret më të shpeshtë të dëmtimit të orës. Shumica e orëve janë rezistues ndaj ujit, por vetëm 3 apo 5 nivele, që nënkupton se u përballojnë vetëm larjeve sipërfaqësore të duarve apo djersës, lagies sipërfaqësore nga shiu por jo edhe futjes në pishinë apo në det. Rripat e orës si dhe bateria konsiderohen materiale shpenzuese të cilat ndërrohen kohë pas kohe. Ora e dorës në epokën tonë vazhdon të jetë protagonist i madh. Është një status- simbol, por edhe një sinjal i ndezur mbi shijet tona dhe stilin e jetesës.

Kuriozitet: Ora më e shtrenjte qe është shitur ndonjëherë është ora e markës zvicerane Chopard -201 karat, me një çmim mbi 25 milion dollarë, e gjitha e punuar me dorë, e përberë nga 874 diamantë të llojeve dhe madhësive të ndryshme, e cila është unike dhe e vetmja në botë.