web counter
LEXO PA REKLAMA!

SHKARKO APP

App Store
Google Play

Nishani pret mbretin Abdullah, falënderon për njohjen e Kosovës

12 Maj 2015, 15:19, Politikë CNA

Presidenti Bujar Nishani priti në takim Mbretin e Jordanisë, Abdullah II, i cili po zhvillon vizitën e tij të parë shtetërore në vendin tonë me ftesë të kreut të Shtetit shqiptar.

Presidenti Nishani dhe Mbreti Abdullah II zhvilluan një takim kokë më kokë. Më pas të dy Krerët e Shteteve kryesuan bisedimet zyrtare duke u ndalur në mënyrë të veçantë në thellimin dhe zgjerimin e marrëdhënieve dypalëshe e të bashkëpunimit në fusha me interes të ndërsjellë.

?Mes dy vendeve ekziston realisht një klimë e favorshme për zhvillimin e mëtejshëm të marrëdhënieve dypalëshe dhe besoj se kjo vizitë do të shërbejë si një nxitëse e fuqishme për konkretizimin e marrëdhënieve në fusha konkrete, veçanërisht në ekonomi, arsim, shkencë, turizëm, etj. Me interes të përbashkët, diskutuam edhe për intensifikimin e bashkëpunimit në organizatat ndërkombëtare, veçanërisht në Kombet e Bashkuara, ku ka një eksperiencë të konsoliduar tashmë. Shqipëria ka qenë ndër vendet që ka mbështetur kandidaturën e Jordanisë si anëtar jo i përhershëm në Këshillin e Sigurimit për vitin 2014-2015 dhe vlerëson rolin që Jordania, nën drejtimin e Madhërisë së tij, Mbretit Abdullah i Dytë, ka luajtur në këtë Këshill”, u shpreh Nishani.

Në vijim ai shprehu mirënjohjen e shqiptarëve për njohjen e pavarësisë së Kosovës, në vitin 2009, duke qenë dhe vendi i parë i Lindjes së Mesme që ndërmori këtë vendim si dhe vlerësoi mbështetjen që Jordania i dha rezolutës për situatën në Kosovë, në Organizatën e Konferencës Islamike.





Lajmet e fundit nga