E fundit!

14:03 Politikë

Kur do të votohen në PD Gaz Bardhi dhe Agron Gjekmarkaj?

Dje është zhvilluar mbledhja e dytë e Këshillit Kombëtar, ...

Durrës/ Pse nuk mund të kandidojë Grida Duma por Grida Shqina, FAKT

8 Maj 2015, 07:47, Aktualitet CNA

Kandidatja e Partisë Demokratike, Grida Duma ka filluar prej disa javësh fushatën elektorale për zgjedhjet e 21 Qershorit.

Por dje, Komisioni Qëndror i Zgjedhjeve ka kthyer mbrapsht për plotësim dokumentacioni kandidaturën e Grida Dumës për Bashkinë e Durrësit.

Shkak për kthimin e dokumentacionit është bërë mbiemri i saj , pasi në dokumentet figuronte me dy mbiemra.

Në fakt, nga investigimet e bëra nga CityFM.al, pretendimi i KQZ-së qëndron i drejtë, pasi shtetasja Grida Duma nuk ekziston në regjistrin Kombëtar të Gjendjes Civile.

Sipas ekstraktit të marr nga regjistri Kombëtar i Drejtorisë së Përgjithshme të Gjendjes Civile më datë 13.04.2015, ekziston Grida Shqina me atësi Agim, e datëlindjes 11.06.1977.

Grida Shqina rezulton votuese në njësinë numër 10 , sipas të dhënave nga ekstrakti, i marr në datë 13.04.2105, 4 ditë para se shtetasja Grida Shqina të transferonte gjendjen e saj civile në Durrës, transferim i cili ka nodhur më datë 17.04.2015.

Nga të dhënat e siguruara nga CityFM.al, ky transferim nuk ka bërë ndryshim mbiemri por thjesht ka ndryshuar zonën e banimit dhe të votimin. Nga banore e Tiranës, ajo tashmë është banore e Durrësit, ku dhe kandidon për kryetare bashkie në qyetetin bregdetar.

Shtetasja, Grida Shqina mund të jetë kandidate për bashkinë e Durrësit, por nuk mund të jetë kandidate shtetasja Grida Duma, pasi ky mbiemër në regjistrat e gjendjes civile nuk ekziston.

Tashmë, ligjërisht dhe tekniksht është e pamundur ndryshimi i mbiemrit të saj, c?ka do ëtë thotë se është e pamundur të kandidojë me mbiremrin e vajzërisë. Grida Duma ka ndryshuar mbiemrin e vajzërisë para 17 vitesh, kur u martua me profesorin, Ilir Shqina. Kandidatja e opozitës për bashkinë e Durrësit, është e njohur për publikun, jetën akademike dhe atë politike me mbiemrin Duma.