E fundit!

22:51 Aktualitet

Biznesmeni Artur Shehu thyen heshtjen: Jam pronar i vjetër i tokës në Zvërnec, nuk i njoh fare investitorët

Biznesmeni shqiptar Artur Shehu ka folur në emisionin Opin...

Zbardhet pasuria e deputetëve të PS, transaksionet miliona euro të Koço Kokëdhimës, Majko-Blushi-Çuko-Ndreu më të varfrit

8 Maj 2015, 06:09, Aktualitet CNA

Zbardhet pasuria e deputetëve të Kuvendit të Shqipërisë për vitin 2014. Vetëm një ditë më parë, gazeta ?SOT? publikoi pasurinë e 20 ministrave të qeverisë ?Rama?. Por, pasuria e ministrave të kabinetit ?Rama?, ndonëse me të ardhura të majme, llogari të reja dhe pasuri të paluajtshme, është tejet modeste në krahasim me pasurinë që posedojnë disa nga deputetët e Parlamentit Shqiptar.

Nuk kemi të bëjmë me deputetë që përfaqësojnë popullin, por me sheikë të vërtetë. Ligjvënësit shqiptarë deklarojnë vila të reja në bregdet, qindra mijëra euro shtesa në llogari, prona të paluajtshme, të ardhura nga bizneset e fëmijëve, pasuri të paluajtshme etj. Kështu, bien në sy transaksionet dhe shitje-blerjet e aksioneve në shoqëri të ndryshme aksionere të superdeputetit të Jugut, Koço Kokëdhima, për të cilin opozita ka kërkuar që t?i hiqet mandati i deputetit.

Kokëdhima deklaron se ka shituar aksionet tek shoqëria ?Unipress? shpk, tek shtetasit Sadik Llapashtica dhe Dhionis Heqimi me vlerë 300 mijë euro. Po ashtu, Koço Kokëdhima deklaron se ka shitur aksionet e shoqërisë ?Inerte Co? me mbi 300 milionë lekë. Po ashtu, Kokëdhima deklaron se gjendja kreditore në shoqërinë ?2K Gruop? shpk është 7 miliardë lekë të vjetra. Transaksionet e Kokëdhimës dominojnë pothuajse gjysmën e pasurisë së grupit parlamentar socialist.

?Gjendja kreditore në shoqërinë ?2K Gruop? shpk, me 701 716 878 lekë. Shoqëria ?2K Gruop? shpk ka blerë në ?Abissnet? sha aksione 500 000 000 lekë. Shoqëria ?2K Gruop? shpk ka blerë tek ?FK Apollonia? sha aksione me çmim 335 250 000 lekë. Rritet gjendja kreditore në shoqërinë ?2K Gruop? me 474 610 776 lekë?, deklaron ndër të tjera Kokëdhima. Ndërkaq, deputeti tjetër socialist, Alfred Peza, ka deklaruar një shtesë në depozitën e bashkëshortes me vlerë 130 mijë USD.

Nga ana tjetër, kreu i grupit parlamentar socialist Gramoz Ruçi, deklaron të ardhura nga familjarët, ndërsa njofton se ka shitur makinën 10 mijë euro. Ben Blushi dhe Pandeli Majko Deputeti rebel i Partisë Socialiste, i cili javët e fundit ka nisur një ofensivë sulmesh ndaj kryeministrit Edi Rama, vijon të jetë në gjendje jo të mirë ekonomike, të paktën krahasuar me kolegët e tij. Pavarësisht të ardhurave si deputet, nga paga e bashkëshortes si dhe nga shitja e librave, deputeti Blushi thotë se paratë e tij gjatë vitit 2014 janë pakësuar me 260 milionë lekë të vjetra.

Po Blushi deklaron në të njëjtën kohë një depozitë me 37 mijë euro, 14 milionë lekë nga shitja e librit, 36 milionë lekë nga e drejta e autorit, 5 mijë euro një çmim letrar, ndërsa po shlyen dy kredi, njëra e marrë për shtëpi banimi. Ndërkaq, Pandeli Majko mund të konsiderohet gjithashtu si një ndër deputetët më të varfër të PS. Majko ka deklaruar vetëm pagën si deputet. Po ashtu, Majko ka hyrë në borxhe për të blerë një shtëpi, ndërsa gjatë vitit 2014 ka shitur edhe makinën 2 mijë euro.