web counter
LEXO PA REKLAMA!

SHKARKO APP

App Store
Google Play

E fundit!

x

Hasan Halilaj i përgjigjet Blushit/ Fotot e kandidatit sa djathtas-majtas

7 Maj 2015, 08:27, Aktualitet CNA

Kryetari i Bashkisë së Kukësit, Hasan Halili, ka reaguar pas sulmit të radhës së deputetit të Partisë Socialiste, Ben Blushi, i cili goditi kryeministrin Edi Rama dhe Rilindjen, duke stigmatizuar dhe përdorur në një rrafsh ironik emrin e Halilit, për të thënë se Rilindja ka rënë moralisht.

Kryebashkiaku Halili, i konfirmuar tashme zyrtarisht nga Edi Rama dhe Ilir Meta për një mandat tjetër në Kukës, për gazetën SOT ka deklaruar se Ben Blushi është një i papunë që shkruan hartime. Halili ka pohuar se nuk ka asnjë minutë kohë të merret me deputetin Blushi, pasi është i zënë me punë. Megjithatë, Halili ironizoi deputetin rebel, duke e konsideruar një të papunë që nuk ka çfarë bën, ndonëse paguhet si deputet për të përfaqësuar zgjedhësit në Qarkun e Elbasanit. ?Mendoni se kam kohë të merrem me Ben Blushin? Ben Blushi është një i papunë që shkruan hartime. Jam shumë i zënë me punë që ti jap përgjigje të papunit Ben Blushi. Më akuzojnë ata që nuk bëjnë asgjë?, ka deklaruar kryebashkiaku u Kukësit.

 

 

Reagimi i kryetarit të Bashkisë së Kukësit, Hasan Halili, vjen një ditë pas qëndrimeve të forta të kryeministrit Edi Rama dhe kryetarit të Kuvendit, Ilir Meta. Edi Rama e konsideroi Ben Blushin një të marrë dhe të lig, ndërsa në takimet e ngushta me deputetë të besuar, Rama është shprehur i prerë se Ben Blushi nuk do të jetë më deputet i Partisë Socialiste në zgjedhjet e 2017.

Edhe pse u ka kërkuar deputetëve të mos merren më me Blushin, me argumentin se pas tij fshihet Nano dhe Berisha, Rama e ka thyer vetë këtë urdhër, pasi po i përgjigjet Blushit pas çdo sulmi të mirëmenduar.

Ndërkaq, i ashpër në reagimin e tij ka qenë edhe kryetari i LSI, njëherësh kryetar i Kuvendit, Ilir Meta, i cili i konsideroi dy ditë më parë sulmet e Blushit si skandaloze dhe jo të moralshme. Tashmë ka një ndarje të qartë mes Ben Blushit dhe mazhorancës qeverisëse. Nëse më parë beteja politike ka qenë vetëm mes Blushit dhe Ramës, në lojë është futur edhe Ilir Meta, duke u distancuar publikisht nda deputeti socialist.

Blushi sulme LSI

Deputeti i Partisë Socialiste, Ben Blushi, ka zgjedhur objektivin e sulmit politik gjatë ditëve të fundit.

Nëse deri ditën e martë, objektivi kryesor i ofensivës së Blushit ishte kryeministri Edi Rama dhe qeveria, në daljen e fundit, Blushi ka sulmuar edhe Ilir Metën. Edhe pse e miratoi zyrtarizimin e aleancës mes Partisë Socialiste dhe Lëvizjes Socialiste për Integrim, aleancë e cila solli të majtën në pushtet, Ben Blushi po i konsideron të pamoralshëm vendimet për rikandidimin e kryebashkiakëve, të cilët kanë kaluar në krahun e LSI. Goditja e LSI mund të jetë edhe lëvizje taktike e deputetit, për të afruar pranë vetë ndoshta ata deputetë që janë të pakënaqur me rolin e LSI në qeverisje. –





Lajmet e fundit nga