web counter
LEXO PA REKLAMA!

SHKARKO APP

App Store
Google Play

E fundit!

x

Gjinushi rregjistron kandidatet ne Fier dhe Rrogozhine

7 Maj 2015, 07:38, Aktualitet CNA

Komisioni Qendror i Zgjedhjeve zyrtarizoi kandidaturën e Partisë Socialdemokrate Albert Çaçin për kryetar të Bashkisë së Fierit.

Vendimi i KQZ-së ishte unanim, me 7 vota pro, pasi bëri verifikimin e 3 mijë firmave të dorëzuara, të cilat përbëjnë 1% të numrit të votuesve në Fier.

Ish-deputeti socialist Çaçi do të garojë në zgjedhjet e 21 qershorit përballë Armando Subashit të PS-së dhe Enkeleid Alibeaj të PD-së.

Në mbledhjen e djeshme, KQZ mori në shqyrtim edhe kandidaturën e PSD-së së Skënder Gjinushit për Rrogozhinën, Arben Ajdini.

Komisioni vendosi me 6 vota pro dhe një kundër për shpalljen e pavlefshme të vendimit të KZAZ, sipas të cilit kandidatura e Ajdinit nuk do të zyrtarizohej me pretendimin se nuk ka dorëzuar brenda afateve listën e mbështetësve.

Ndërkaq KQZ do të marrë një vendim mbi kandidaturën e PSD pasi të verifikojë firmat e 1% të zgjedhësve që PSD ka paraqitur.

Nëse kandidatura e tij zyrtarizohet nga KQZ, Arben Ajdini do të garojë përballë Beqir Nures së PDIU-së, pjesë e koalicionit të majtë dhe Eqerem Deliut nga koalicioni opozitar./





Lajmet e fundit nga