E fundit!

22:51 Aktualitet

Biznesmeni Artur Shehu thyen heshtjen: Jam pronar i vjetër i tokës në Zvërnec, nuk i njoh fare investitorët

Biznesmeni shqiptar Artur Shehu ka folur në emisionin Opin...

Lindita Nikolla sulmon universitetin shtetëror me biznesmenë dhe pedagogë të Henri Çilit

7 Maj 2015, 05:54, Aktualitet CNA

Ministrja e Arsimit, Lindita Nikolla ka vendosur t?u përgjigjet në një tjetër mënyrë kritikave kundër ligjit për arsimin e lartë në Shqipëri. Ministrja ka vendosur të mbledhë në një tryezë pedagogët që ka punësuar Henri Çili në UET, duke sulmuar rektorin Dhori Kule, akademikun Artan Fuga dhe të gjithë ata pedagogë që kanë qenë kundër draftit. Teksa në mesditë studentët protestonin para Kryeministrisë kundër kësaj reforme, në ambientet e një hoteli në kryeqytet ministrja Nikolla kishte mbledhur përfaqësues të biznesit për të diskutuar për reformën në arsimin e lartë, por ajo që ra në sy ishte se pjesë e tryezës ishin dhe pedagogë apo përfaqësues të Universitetit Evropian të Tiranës, duke e forcuar akoma dhe më shumë bindjen se kjo reformë po bëhet për interesa të Henri Çilit. Një ndër të pranishmit ishte edhe Fatos Tarifa, i cili është drejtor i Institutit të Studimeve Sociale dhe të Politikave në UET që nga viti 2008.

Dje ai ka lëshuar akuza të ashpra në drejtim të universiteteve publike dhe pedagogëve të tyre, të cilët kanë kundërshtuar ashpër ligjin për arsimin e lartë në Shqipëri. Ai është shprehur se këta pedagogë nuk përfaqësojnë mendimin në tërësi të universiteteve publike. ?4-5-6 profesorë që janë kundër këtij pr/ligji nuk përbëjnë profesoratin shqiptar. Është e lehtë të gjesh studentë që i manipulon lehtë, duke u thënë se studentët e varfër do bëhen më të varfër dhe se Shqipëria do të bëhet si Kore e Veriut. Është mashtrim që e kam ndjerë detyrë publike ta denoncoj. Ky ligj, edhe pse nuk është i përsosur një ligj, shumë i mirë që i përshtatet interesave të vendit dhe do vërtet themelet e një arsimi të lartë që do të ketë dukë në të ardhmen.

Nuk jam naiv të them që për 4-5 vjet universitet tona do të jenë të mira si ato evropiane, por them se gjenerata e 6-7 vjeçarëve kur të jenë në universitet do të marrë arsimimin e duhur. Është bërë punë e shkëlqyer?, është shprehur Fatos Tarifa. Në të njëjtën linjë ka qenë edhe ministrja Nikolla, e cila tha se pedagogët e Forumit për Liri Akademike nuk përfaqësojnë gjithë profesorët. ?Pati nga ata akadamike të cilët thanë se përfaqësues të Forumit për Liri Akademike që janë kritikë ndaj draftit, nuk përfaqësojnë profesoriatin?, tha ajo.

Bizneset

Në kuadër të reformës në arsimin e lartë Ministria e Arsimit ka marrë mendimin edhe të bizneseve, ndonëse ky takim vjen pas përfundimit të draftit dhe dorëzimit të tij në Kuvend. I pranishëm në tryezën e djeshme ka qenë edhe kreu i Dhomës së Tregtisë dhe Industrisë, Nikolin Jaka. Ai ka deklaruar se studentët duhet të orientohen drejt asaj që ofron tregu i punës. ?Studentët tanë duhet të shkojnë drejt nevojave që ka realisht tregu i punës, duke pasur parasysh që sot 80-85% të nevojës për punë e mbulon sipërmarrja private dhe vetëm 15%-20% e mbulon administrata publike?, deklaroi ai. Ndërsa eksperti i urbanistikës dhe çështjeve të territorit Besnik Aliaj shfaqi disa rezerva, duke thënë se përmes këtij drafti universitete private po kthehen në publike.

?Në përgjithësi platforma është përpjekur që të krijojë një atmosferë që ta përqasi sipërmarrjen private jo vetëm në institucionet private, duke i përafruar ato me institucionet publike?, tha ai. Ministria e Arsimit Ministria e Arsimit nga ana e saj është shprehur se drafti synon orientimin e universiteteve drejt performancës dhe rezultateve, e për këtë arsye ka ardhur dhe konsulta me biznesin. MAS ka deklaruar se me anë të reformës arsimi i lartë në vend do të kthehet në drejtimin e duhur. ?Pa hequr dorë nga masivizimi i arsimit të lartë, për t?i ofruar çdo të riu të drejtën që sipas meritës të jetë pjesë e arsimit të lartë, reforma jonë kërkon një vëmendjen të posaçme për ta kthyer në drejtimin e duhur këtë sektor jetik për vendin?, ka thënë MAS.