web counter
LEXO PA REKLAMA!

SHKARKO APP

App Store
Google Play

E fundit!

x

Ambasadorja e BE një javë afat politikës për spastrimin e të inkriminuarve nga lista e 21 Qershorit

8 Maj 2015, 05:53, Aktualitet CNA

Brukseli i lë një javë afat politikës shqiptare, përkatësisht mazhorancës dhe opozitës shqiptare, që të spastrojnë emrat e inkriminuar nga lista e kandidatëve për zgjedhjet e 21 Qershorit. Ky afat kohor përkon me afatin përfundimtar për mbylljen e listave të kandidatëve dhe regjistrimit përfundimtar të tyre në zgjedhje nga ana e KQZ.

Në këtë kuadër, ambasadorja e Bashkimit Europian në Tiranë, Romana Vlahutin, ka paralajmëruar dje politikën shqiptare, se Brukseli do të flasë hapur dhe ndryshe për kandidatët e inkriminuar pas datës 13 maj. Mesazhi i ambasadores së BE është shumë i qartë, ndërsa politika shqiptare duhet të tregohet e përgjegjshme për rishikimin e kandidaturave deri më 13 maj. ?Pozicioni ynë është shumë i qartë. Ne jemi duke parë.

Afati i fundit është 13 maji dhe pas kësaj date ne do të flasim për atë që mendojmë. Deri më 13 maj ka kohë për t?i ndryshuar gjërat. Pas kësaj date, ne do të jemi shumë të qartë në mesazhin tonë?, paralajmëroi Vlahutin.   Ambasadorja Vlahutin u bëri thirrje krerëve të partive politike në vend, që të bëjnë kujdes me listat e kandidatëve. Ajo tha se BE dhe SHBA janë duke punuar në këtë drejtim, ndërsa partitë duhet të tregohen të përgjegjshme në caktimin e kandidatëve.

?Ne jemi duke diskutuar për këtë. Komuniteti ndërkombëtar dhe ne ambasadorët nuk jemi një zyrë ligjzbatuese. Duhet të marrim në konsideratë edhe faktorin e prezumimit të pafajësisë, nëse ka të dhëna, se disa njerëz ishin të përfshirë në aktivitete kriminale, por nuk ka patur dënime etj. Ne duhet të jemi të balancuar, si do ta trajtojmë këtë çështje. Kolegët tanë amerikanë tashmë e kanë hedhur një hap dhe ne do të vazhdojmë të punojmë bashkërisht rreth kësaj çështjeje.

Do ta themi fjalën tonë tepër qartësisht, se cili do të jetë pozicioni ynë. Por mesazhi ynë kryesor për udhëheqësit politikë është ky. Bëni kujdes me listat, në mënyrë që të keni kandidatët e duhur!?, u shpreh Vlahutin.    Reforma në drejtësi   Ambasadorja e BE është ndalur edhe te reforma në drejtësi. Vlahutin vlerëson reformën në drejtësi, por thekson se Shqipëria ka ligje të shumë të mira, të cilat duan vetëm të zbatohen. ?Është një reformë tërësore e sistemit të drejtësisë.

Pjesa tjetër lidhet me zbatimin e ligjeve, të cilat janë ekzistuese, përfshi zbatimin e të tjera pjesëve të legjislacionit. Të gjithë ne, në komunitetin ndërkombëtar jemi duke pritur për zbatimin e tyre. Ka ligje në Shqipëri, të cilat që tani mund të vihen në zbatim. Pra, asgjë nuk i ndalon prokurorët, policët apo gjykatësit të hetojnë njerëz, të cilët qartësisht duhet të përballen me ligjin, t?i përgjigjen disa pyetjeve?, theksoi Vlahutin. Ajo bën thirrje që institucionet ligjzbatuese të bashkohen dhe të vënë para drejtësisë të gjithë ata që kanë abuzuar me ligjin. ?Kjo është ajo, që ne po bëjmë me zotin Ganaj, autoritetet e Taksave, ministri të ndryshme, prokurorin e Përgjithshëm, t?u shpjegojmë të gjithëve se duhet të bashkojnë forcat dhe të vënë përpara përgjegjësisë, ata njerëz që kanë abuzuar me sistemin për interesa dhe përfitime në kurriz të shtetit dhe qytetarëve në Shqipëri?, u shpreh Vlahutin.





Lajmet e fundit nga