Berisha: Tirana me Dr. Halimin ka shpresë reale

5 Maj 2015, 11:18, Politikë CNA

Ish kryeministri , Sali Berisha ka shprehur mbështetjen e tij për kandidatin e PD për kryetar bashkie në Tiranë, Halim Kosova.

Përmes një statusi të gjatë në rrjetin social, Facebook, Berisha rendit arsyet se pse qytetarët duhet t?i besojnë drejtimin e kryeqytetit Kosovës.

Ish kryeministri shkruan më tej se Erion Veliaj, që kërkon sot votat për Bashkine e Tiranës, ndërtoi vilë pa bërë asnjë ditë të vetme pune.

‘Te dashur miq, Tirana po vuan papunesine e varferine, pasigurine si kudo ne Shqiperi per shkak te keqqeverisjes dhe sundimit arbitrar prej dy vitesh nga Edi Rama. Kryeqyteti eshte ne nje moment delikat per te ardhmen. Skema e mashtrimeve te reja, shkaterrimit te vendeve te punes, e rrenimit te ekonomise, e prishjes se pronave te ligjshme, e rritjes se taksave, e rritjes se çmimeve, rrezikojne te kapin Tiranen, permes çiftit me te keq Edi Rames, Erion Veliaj. Ky i fundit jo vetem ka qene zedhenesi direkt i te gjitha mashtrimeve elektorale te Edi Rames, por ai eshte dhe njeriu qe mashtroi me e-mailet e tij qindra zyrtare dhe parlamentare ne Bruksel duke iu paraqitur barren imagjinare te Griseldes si abort te dhunshem dhe rrembim te foshnjes nga qeveria Berisha.

Erion Veliaj, qe kerkon sot votat tuaja per Bashkine e Tiranes, ndertoi vile pa bere asnje dite te vetme pune, pa firmosur ndonje bordero por vetem deklaroi nje dite se i vodhen kompjuterin e financave te MJAFT-it, te cilin e zhduku per te zhdukur abuzimet me fondet e organizates. Veliaj, pasi u be minister i mireqenies personale iu preu ndihmen ekonomike pa asnje kriter mbi 20 mije familjeve te varfera shqiptare, jua uli ate nga 46 dollare ne 16 dollare 32 mije familjeve te tjera te varfera, bllokoi teresisht pagesen e papunesise, duke u bere keshtu me keto masa ç’njerezore nje shkak madhor i eksodit. Ai mburret se zgjati me dy vite moshen e pensionit dhe 6-fishoi per fermeret kontributin e sigurimeve shoqerore per te fituar pension. Ndersa per vete beri dasmen me dy raunde, me te madhen ne historine e vendit dhe deklaroi se e beri me parate e mamase, e cila sipas tij e kishte rritur me ndihme ekonomike.

Po keshtu, si minister Veliaj qe muajin e pare filloi te vjedhe haptas parate e ministrise duke fituar per vete me emrin e te vellait te gjitha tenderat e digasterit qe drejton.

Por per fat te mire, Tirana ka shprese! Une besoj se ajo nuk do te bjere. Tirana ka pretendent per kryetar bashkie doktor Halim Kosoven, alternativen e kthimit te shpreses, te qeverisjes se qytetit me ndershmeri e integritet. Doktor Halimi, eshte nje njeri pozitiv, i pranuar nga te gjithe, eshte personalitet i spikatur qe ka arritur vet me djerse, pune, merite, te gjithe sukseset e mundshme ne karrieren profesionale e ne menaxhim, si drejtues e minister. Fat e privilegj per mua qe e kam njohur si koleg e qe kam punuar me te per shume kohe. Te gjithe ata qe e kane njohur apo i jane drejtuar atij per ndihme, pavaresisht nga gjendja e tyre sociale, te pasur, te varfer, qytetar apo fermer dhe pavaresisht nga bindjet e tyre politike kane provuar, njerezine, thjeshtesine, perkushtimin, sherbimin kompetent dhe te pakursyer te Dr. Halimit. Mbeshtetja per Halim Kosoven eshte mbeshtetje per nje Tirane per pune e dinjitet, sherbime te mira, per ndershmeri e perkushtim ndaj qytetareve’ shkruan Berisha.