E fundit!

09:05 Kosova & Bota

I nxehti përvëlon Europën Perëndimore/ Franca, Britania dhe Spanja përjetojnë temperatura rekord

Një valë e fortë të nxehti që ka përfshirë Europën Perëndi...

Deputeti i larguar nga PR, Shehu: Mediu nuk mbajti premtimin për kandidimin e Dukës

1 Maj 2015, 09:19, Aktualitet CNA

Ylli Shehu, ish-deputeti i PR, i cili iu bashkua ditën e djeshme Lëvizjes Socialiste për Integrim ka deklaruar ditën e sotme se është larguar nga Partia Republikane, pasi kryetari i saj Fatmir Mediu nuk mbajti premtimin për të kandiduar në qytetin e Durrësit Agron Dukën. Sipas Shehut, Mediu nuk ka dhënë informacion se pse vazhdoi koalicionin me PD. Ai shprehet se nuk pajtohet me qëndrimin e PR-së, ndërsa shton se ka bërë një zgjedhje të motivuar.

?Me keqardhje u njoha me qendrimet e mbajtura nga z.Mediu ndaj vendimit tim per t`iu bashkuar grupit parlamentar te LSI.

Desha te sqaroj qarte edhe nje here, se nuk kam ikur por kam bere nje zgjedhje, e cila ka qene thellesisht e motivuar dhe parimore, pasi per fat te keq Z.Mediu i iku ne menyre krejtesisht jo trasparente premtimit publik te bere ne strukturat drejtuese te Partise Republikane, qe nese Partia Demokratike nuk do ti qendronte angazhimit per te kandiduar z.Agron Duka per kryetar te bashkise se Durresit, atehere Partia Republikane per te vene ne vend dinjitetin e neperkembur do dilte me vete dhe do te kandidonte me kandidatet e saj ne te 61 bashkite e vendit.

Nderkohe qe Partia Demokratike nuk i qendroi premtimit per te kandiduar z.Agron Duka ne krye te bashkise se durresit ku une shpreh bindjen time se ai do te kishte qene fitues, pa dhene asnje shpjegim dhe per arsye jo te trasparente qe vetem ai di di, z. Mediu vendosi te vazhdonte koalicionin me PD sikur asgje nuk kishte ndodhur dhe sikur asgje nuk ishte thene, duke i ikur ne menyre krejtesisht jo trasparente premtimit publik te bere ne strukturat drejtuese te Partise Republikane dhe te pasqyruar gjeresisht edhe ne mediat shqiptare per te dale e vetme ne zgjedhje e per te konkuruar ne 61 bashkite e vendit.

Ne keto kushte i kam bere me dije strukturave te Partise Republikane dhe z. Mediu mospajtimin tim me keto qendrime sa inferiore, kontradiktore dhe qesharake, duke bere edhe zgjedhjen time politike per ti`u bashkuar grupit parlamentar te Levizjes Socialiste per Integrim,? thotë ai në një deklaratë të shpërndarë nga LSI.