web counter
LEXO PA REKLAMA!

SHKARKO APP

App Store
Google Play

E fundit!

x

Politikanët konflikte me gazetarët, reagojnë Shoqatat e Gazetarëve

1 Maj 2015, 09:09, Aktualitet CNA

Shoqatat e Gazetarëve të Shqipërisë kanë reaguar ditën e sotme ndaj precedentëve të fundit, ku politikanët kanë ofenduar gazatarët dhe kanë reaguar ndaj tyre në një mënyrë agresive. Kështu, në deklaratën e perbashket përmenden tre raste, ku sipas Shoqatave, ato shihen si shenjat e para të një klime konfliktuale të politikanëve ndaj mediave në prag të fushatës elektorale.

Deklarata e plotë:  

Unioni i Gazetarëve Shqiptare, Lidhja e Gazetarëve dhe Shoqata e Gazetarëve Profesionistë po vërejnë me shqetësim shenjat e para të një klime konfliktuale të politikanëve ndaj mediave në prag të fushatës elektorale.

Rasti më i fundit, ai i ofendimit dhe reagimit agresiv të kandidatit për bashkinë e Tiranës, Erjon Veliaj ndaj reporterit të AbcNews, përbën një shqetësim për tri organizatat e gazetarëve, të cilat u bëjnë thirrje partive politike dhe kandidatëve të respektojnë të drejtën e publikut për informim dhe lirrinë e gazetarëve për të informuar.

Rasti i Veliajt, i cili jo vetëm refuzon t?u përgjigjet gazetarëve, por edhe i intimidon ata në kryerjen e detyrës, është në vazhdim edhe të dy rasteve të tjera shqetësuese në prag të fushatës elektorale. Kështu, vlen të përmendet rasti i kryetarit të Komisionit të Ekonomisë, Erjon Braçe, i cili reagoi me një gjuhë agresive ndaj një gazetari të Top Channel, si dhe rasti i deputetit Gjovalin Kadeli, i cili kërcënoi rëndë kameramanin e AbcNews ndërsa ky po bënte detyrën e tij në ambientet e Kuvendit.

Tri organizatat më të mëdha të gazetarëve në vend u bëjnë thirrje gjithashtu edhe institucioneve ndërkombëtare të jenë të vëmendshme ndaj lirisë së shtypit në Shëipëri dhe kërkojnë që të parandalohet çdo tentativë për të ushtruar presion mbi mediat gjatë fushatës elektorale.

Unioni i Gazetarëve Shqiptarë

Lidhja e Gazetarëve të Shqipërisë

Shoqata e Gazetarëve Profesionistë

 

 





Lajmet e fundit nga