web counter
LEXO PA REKLAMA!

SHKARKO APP

App Store
Google Play

E fundit!

x

Avokati i Popullit: Papunësia mbetet një plagë e pashëruar me pasoja të rënda

1 Maj 2015, 10:28, Aktualitet CNA

Avokati i Popullit, Igli Totozani është shprehur se papunësia është ende një plagë e pashëruar me pasoja të rënda sociale. Në një deklaratë për Ditën Ndërkombëtare të punëtorëve, Totozani deklaron se 1 Maji është dita kur mendimi dhe vullneti ynë duhet të drejtohet tek mbrojtja e marrëdhënies shoqërore të punës.

Deklarata e plote e Avokatit te Popullit per 1 Majin: 

Sot është një ditë reflektimi për shoqërinë tonë dhe për të gjithë ata vendimmarrës të cilët në një mënyrë, apo një tjetër janë të lidhur me të drejtat e punonjësve, qofshin ata që janë pjesë e Administratës Publike apo edhe atyre të sektorit privat.

E drejta për punë duhet parë ndryshe, 1 Maji është dita kur mendimi dhe vullneti ynë duhet të drejtohet tek mbrojtja e marrëdhënies shoqërore të punës, siç janë kushtet, siguria në punë, rregullimi kontraktual, etj. Papunësia mbetet një plagë e pashëruar me pasoja të rënda sociale për qytetarin dhe shoqërinë.

Për këtë duhet zbatimi me rigorozitet i legjislacionit dhe të gjithë atyre mekanizmave dhe instrumenteve, të cilët mbrojnë punëmarrësit tanë nga çdo dhunim i të drejtave të tyre të parashikuara deri në nivel kushtetues. Askush nuk qëndron mbi ligjin dhe askush nuk duhet të ndjehet i lirë në shkeljen e parimeve të tillë universalisht të mbrojtur sikundër është siguria juridike. Askush nuk meriton ta humbë një vend punë për shkaqe dhe motivacione që nuk kanë lidhje me performancën e tij.

Një njeri i papunë sot është një njeri i varfër nesër dhe një njeri i varfër, është një njeri që ikën. Puna dhe familja e bëjnë një njeri një gur të rëndë në vendin e tij.

Forcimi dhe thellimi i demokracisë në shoqërinë Shqiptare, rritja e nivelit të qeverisjes dhe garantimi i plotë e i gjithëanshëm i lirive, të drejtave dhe interesave të ligjshme të individëve, kërkon si të nevojshme dhe të domosdoshme forcimin e Administratës Publike, mbi bazën e parimeve të profesionalizmit, të pavarësisë dhe integritetit, të paanësisë politike, të transparencës dhe të një shërbimi sa më cilësor ndaj publikut.

Institucioni i Avokatit të Popullit përshëndet reformat dhe masat që synojnë modernizimin e administratës publike dhe zbatimin e ligjit, por këto reforma nuk duhet të sjellin humbjen e vendit të punës për shkaqe të paparashikuara në legjislacionin që rregullon marrëdhëniet e punës.

Vëmëndje duhet kushtuar tek siguria dhe kushtet në punë. Mendimi ynë sot shkon për minatorët dhe të drejtat e tyre duke filluar që nga ajo e jetës. Jo të pakta kanë qenë rastet e humbjes së jetës për shkak të kushteve të punës.

Duhet të mendojmë për të gjithë ata qytetarë që punojnë në të zezë, pa asnjë mbrojtje ligjore, pa asnjë siguri, pa asnjë sigurim shoqëror, apo shëndetësor.
Duhet të mendojmë për zbatimin e legjislacionit që rregullon punësimin e grupeve vulnerabël. Ligjet janë aty dhe presin veç të zbatohen.

Sot është dita që të kujtohemi për të gjitha këto e shumë të tjera detyrime të pazbatuara

Sot është dita kur secili prej nesh që ka detyrimin ligjor të përballet me këto probleme të ndjehet keq e të ulë kokën para çdo qytetari, që çdo ditë e më tepër vuan për të patur një punë, një punë të ndershme e dinjitoze, që rrezikon ta humbë atë për shkaqe joligjore, përballë cdo qytetari që i shkelen të drejtat që legjislacioni vendas dhe ai ndërkombëtar i?u njeh dhe sanksionon.





Lajmet e fundit nga