web counter
LEXO PA REKLAMA!

SHKARKO APP

App Store
Google Play

E fundit!

x

Meta: Mbrojtja e të dhënave personale, pjesë e reformës në drejtësi

29 Prill 2015, 12:55, Politikë CNA

Kryetari i Kuvendit, Ilir Meta mori pjesë sot në takimin e 17-të të Autoriteteve të Mbrojtjes së të Dhënave Personale të Evropës Qendrore dhe Lindore-CEEDPA, që zhvilloi punimet në Durrës.

Të pranishëm në këtë takim ishin  Komisioneri për të Drejtën e Informimit dhe Mbrojtjen e  të Dhënave Personale, Besnik Dervishi, Ministrja e Inovacionit dhe e Administratës Publike, Milena Harito dhe Ambasadorja e Mbretërisë së Hollandës, Van De Weerd.

Në fjalën e tij, Kryetari i Kuvendit, Ilir Meta vlerësoi zhvillimin e këtij takimi në vendin tonë, një vend i cili po bën përpjekje të gjithanshme për të forcuar shtetin e së drejtës duke garantuar liritë dhe të drejtat thelbësore kushtetuese të individit.

Ai vlerësoi hapat shumë thelbësorë në mbrojtjen e së drejtës personale dhe respektimin e privatësisë, si të drejta themelore kushtetuese. ?Këto të drejta, shpesh herë shfaqen kaq vulnerabël dhe të cënueshme, pasi janë pjesë e përditshme e jona dhe e veprimeve tona të shumta, jo vetëm si qytetarë, por edhe si zyrtarë?, tha Meta.

Meta shtoi se ky takim zhvillohet në kohën dhe vendin e duhur, pasi Komisioneri për të Drejtën e Informimit dhe Mbrojtjen e të Dhënave Personale, është në fazën e progresit të tij institucional dhe ligjor.

?Vetëm gjatë vitit të kaluar ky institucion i pavarur ka ndërmarrë procese ligjore të rëndësishme përmes amendimeve ligjore për ta afruar atë me standardet ndërkombëtare dhe një sërë zhvillimesh institucionale, të cilat i kanë dhënë një shtysë misionit të tij për mbrojtjen e të drejtave. Kuvendi i Shqipërisë, jo më larg se dy javë më parë, ka shqyrtuar raportin vjetor të Komisionerit, ku ka vlerësuar zhvillimin institucional të tij në shtimin e kontrolleve dhe masave të tjera të ndërmarra si dhe për bashkëpunimin me institucione të tjera ligjzbatuese, pa lënë pas dhe ndërgjegjësimin e mëtejshëm të kulturës së ligjit dhe të zbatimit të tij?, tha Meta.

Ai shtoi se amendimi i ligjit për të dhënat personale dhe përfshirja e ligjit të ri për të drejtën e informimit, i kanë shtuar Komisionerit përgjegjësitë për të balancuar dy të drejtat kaq thelbësore e të njohura botërisht, atë të së drejtës të informimit dhe të së drejtës së privatësisë.





Lajmet e fundit nga