web counter
LEXO PA REKLAMA!

SHKARKO APP

App Store
Google Play

E fundit!

x

Ministri i Brendshëm gjerman: Nuk ka shanse për të fituar azil politik

28 Prill 2015, 06:53, Politikë CNA

Ministri i Punëve të Brendshme, Saimir Tahiri zhvilloi një vizitë në Berlin ku u prit nga homologu i tij, Ministri i Brendshëm i Gjermanisë, Thomas De Maiziere, i cili u shpreh se të gjithë shqiptarët që kanë ardhur, apo që do të vijnë në Gjermani, do të rikthehen në vendin e tyre.

“Mesazhi im është i qartë,se nuk ka asnjë shans për të fituar azil politik në Gjermani. Në Shqipëri ka një demokraci krenare dhe nuk ka arsye për përndjekje politike. Ne do të bëjmë shumë për ta zhdukur këtë shqetësim dhe do të kemi bashkëpunim të madh jo vetëm duke u fokusuar te arsyet e gabuara të kërkesave për azil”, deklaroi Thomas De Maiziere.

Ndërsa ministri Tahiri në lidhje me këtë shqetësim, bëri me dije dhe informoi kolegun për masat që ka marrë Shqipëria, dhe masat që ka marrë qeveria shqiptare për të mos lejuar në asnjë mënyrë shtetas shqiptarë që në mënyrë të padrejtë, vijnë kërkojnë azil politik.

 

Gjithashtu pjesë e bisedimeve ndërmjet dy ministrave ka qenë dhe për fushat e bashkëpunimit dhe përpjekjen e përbashkët për luftën kundër krimit të organizuar dhe korrupsionit si dhe ranë dakord që Gjermania të asistojë me ekspertizë palën shqiptare në ngritjen e Byrosë Kombëtare të Hetimit dhe asistencë teknike për forcat speciale RENEA.





Lajmet e fundit nga