web counter
LEXO PA REKLAMA!

SHKARKO APP

App Store
Google Play

Jorida Tabaku: Që Ministri Veliaj gënjen, kjo nuk është e re për asnjë qytetar

23 Prill 2015, 19:18, Aktualitet CNA

Deputetja e Partisë Demokratike, Jorida Tabaku, ka akuzuar nëpërmjet rrjeteve sociale Ministrin e Mirëqënies Sociale, Erion Veliaj se po gënjen qytetarit lidhur me ndarjen e ndihmave sociale. Sipas Tabakut, përgjegjësia e vetme për vonesat e shpërndarjes së ndihmave është vetëm e ministrit.

Ja çfarë shkruan Tabaku:

Së pari po i bej me dije ministrit të paditur se:
– Ndihma ekonomike që nga Qershori i vitit 2014 shpërndahet vetëm me firmën e tij.

– Me një sistem aspak transparent, minibashkitë e Tiranës janë përjashtuar totalisht nga procesi dhe mijëra familje janë hequr nga listat pa asnjë lloj argumentimi.

– Vetëm gjatë vitit 2015 në Njësinë Bashkiake 4 janë hequr nga lista 160 familje, ndërkohë që në Njesinë 11 janë hequr nga lista rreth 100 familje dhe çdo muaj refuzohen mbi 60 familje në çdo njësi që aplikojnë dhe vleresohen sipas një sistemi që ka dijeni vetëm ministri.

– Ne i bëjmë thirrje sot Prokurorisë së Përgjithshme të nisë menjeherë hetimet në lidhje me abuzimet që po bëhen me listat e ndihmës ekonomike nga ministria e zotërisë.

– Në lidhje me banesat sociale, i kërkojmë kandidatit të jetë më kreativ në abuzimet e tij. Banesat sociale janë dorëzuar të përfunduara vetëm në shkurt të vitit 2014. Shpërdarja e tyre është bllokuar me urdhër politik të Edi Ramës nga këshilltarët e majtë në Këshillin Bashkiak, ashtu siç kanë bllokuar rreth 85 projekte investimi për qytetin duke përfshirë dhe projekte strategjike si bulevardi, Lumi i Tiranës, Terminali Multimodal dhe manaxhimi i mbetjeve.

– Varfëria dhe mjerimi nuk mund të luftohen me ndihmë ekonomike e cila në fakt është ulur në minimum. Shqiptarët nuk jetojnë dot me 5,000 lekë në muaj. Shqiptarët presin: 300,000 vendet e reja të punës, uljen e çmimit të energjisë, të karburantit, të taksave; fermerët presin subvencione.

– Eksodi është meritë e politikave të kësaj qeverie dhe është e turpshme për një kabinet qeveritar të ndajë Shqipërinë në tonën dhe tyren.





Lajmet e fundit nga