web counter
LEXO PA REKLAMA!

SHKARKO APP

App Store
Google Play

Zgjedhjet lokale/ Emra, emra, emra...po projekte?

17 Prill 2015, 09:03, Aktualitet CNA

Mediat janë përfshirë ditët e fundit në rrjedhën e shpejtë të lajmeve ku kandidatët për 61 bashkitë e vendit publikoheshin gjatë gjithë ditës. Janë përfolur, diskutuar, komentuar e propozuar kandidatë të shumtë për zgjedhjet e 21 Qershorit, por në gjithë këto ditë kanë munguar projektet.

Projektet, platformat dhe idetë që këta kandidatë kanë për bashkitë ku do të kandidojnë ende nuk janë bërë publike, duke treguar një mungesë serioziteti nga të gjitha partitë. Kjo pasi forcat politike janë fokusuar totalisht në emra dhe vetëm emra.

Fare mirë mund të mendosh se kandidatët kanë afërsisht një muaj kohë para se të fillojë fushata. Por a do kenë kohë të përzgjedhurit e partive të studiojnë problematikat dhe nevojat që zgjedhësit e tyre kanë?

Thënë kjo, vihet re një përqëndrim nga ana e të gjitha partive politike në emra kandidatësh dhe në mundësinë e realizimit të koalicioneve parazgjedhore, por aspak në projekte dhe ide konkrete.
Ndërkohë ne na ngelet të presim propozimet që kandidatët tashmë të prezantuar, të zyrtarizojnë edhe premtimet e tyre.





Lajmet e fundit nga