web counter
LEXO PA REKLAMA!

SHKARKO APP

App Store
Google Play

Takimi i grupit të punës së SEECP/ Të bindur se në fund do biem dakord për propozimet

17 Prill 2015, 10:33, Politikë CNA

Në kuadër të Kryesisë Shqiptare të Asamblesë Parlamentare të SEECP (Procesit të Bashkëpunimit të Evropës Juglindore),u zhvillua sot në Tiranë takimi i dytë i grupit të Punës. Gjatë takimit u diskutuan rezoluta e raporte nga tre komisione të përgjithshme të Asamblesë që kanë në fokus sigurinë, mbrojtjen e kufijve, luftën kundër terrorizmit, mbrojtjen e fëmijëve si dhe projektet e përbashkëta rajonale në fushën e energjisë dhe infrastukturës.

Deputeti i Partisë Socialiste, Taulant Balla, në cilësinë e kryetarit të Delegacionit Shqiptar në Asamblenë Parlamentare të SEECP-së, shprehu bindje se në fund të këtij takimi grupi i punës do të bjerë dakord për propozimet, në mënyrë që të mund të paraqiten këto dy dokumenta për ratifikimin gjatë sesionit plenar të Asamblesë Parlamentare të SEECP-së, që do të mbahet në Tiranë në datat 22-23 maj 2015.

Në takimin e sotëm morën pjesë përfaqësuesit e vendeve anëtare të kësaj Asambleje si: Shqipëria, Bosnje dhe Hercegovina, Bullgaria, Kroacia, Greqia, Maqedonia, Moldavia, Mali i Zi, Rumania, Serbia, Sllovenia, Turqia dhe Kosova.





Lajmet e fundit nga