E fundit!

11:52 Aktualitet

Begaj, në homazhet për efektivin e vrarë/ Familjarët i kërkojnë llogari: Po na vrisni, bëhuni të zotë

Presidenti Bajram Begaj ka marrë pjesë në homazhet në nder...

Ja kush është deputetja e re e Kuvendit (Biografia)

16 Prill 2015, 18:17, Politikë CNA

Pasi Partia Demokratike zyrtarizoi Halim Kosovën si kandidatin për Bashkinë e Tiranës, mandati i deputetit që la mjeku i njohur i kaloi një gruaje që e ka provuar edhe më parë karrigen e deputetit.

Bëhet fjalë për zonjën Lajla Përnaska.

Përnaska lindi më 14 qershor të vitit 1961 në Tiranë, është një politikane dhe mjeke shqiptare.

Edukimi

Në vitin 1985 studjon në Universitetin e Tiranës në drejtimin Fakulteti i Mjekësisë, dega Mjekësi e Përgjithshme.

Në vitin 1985 vazhdon studimet në Universitetin “René Descartes” në Paris, dega Pediatri e Përgjithshme.

Në vitin 2000 përsëri vazhdon studimet në Universitetin “Henri Poincore” në Francë, dega Politika shëndetësore dhe zhvillimi

Lajla Përnaska mbron titullin Master në Politikat Shëndetësore dhe të Zhvillimit si dhe bën studime në drejtimin Marrëdhënie Ndërkombëtare në IRERIE nëFrancë në vitin 2006.

Në drejtimin Studime Europiane (SHPUSE – Tiranë). është kandidate për master në vitin 2007.

Veprimtaria profesionale

Gjatë viteve 1985 – 1988 ushtron detyrën si mjeke në Institutin e Pediatrisë.

Gjatë viteve 1989 – 1994 ushtron detyrën si mjeke në spitalet Saint-Vincent de Paul dhe Necker në Paris;

Gjatë viteve 1995 – 1997 ushtron detyrën si këshilltare e Ministrit të Shëndetësisë të Shqipërisë.

Në vitin 1998 ushtron detyrën Drejtore e Programit NESMARK.

Gjatë viteve 1997 – 1999 ushtron detyrën si Drejtuese e Federatës së Gruas shqiptare.

Nga viti 2000 ushtron detyrën si Drejtuese e Unionit “Gjinia dhe Zhvillimi”.

Gjatë viteve 2001-2005 ushtron detyrën si konsulente kombëtare pranë organizmave botërore si ef UNICEF, PNUD, Banka Botërore, Organizata Botërore e Shëndetësisë.

Librat

“Për fëmijën tuaj”

“Zhvillimi psikologjik i fëmijëve”

“Të rinjtë dhe shëndeti riprodhues”

Platforma “Gruaja, familja, shoqëria”

“Balanca gjinore në politikë”

“Antistres”

“Udhërrëfyes i adoleshencës” – Artikuj shkencorë dhe analitikë të publikuar në median e shkruar për çështjet gjinore dhe të shëndetësisë.