web counter
LEXO PA REKLAMA!

SHKARKO APP

App Store
Google Play

Haxhinasto: Fillimi i punimeve në Rrugën e Arbrit, pritet në 2016-ën

16 Prill 2015, 12:26, Politikë CNA

Ministri i Transportit dhe Infrastrukturës, Edmond Haxhinasto, u shpreh se procesi për përzgjedhjen e kompanisë për ndërtimin e rrugës së Arbrit ishte transparent dhe se edhe diskutimit të termave final të kontratës do vijnë përsëri në Parlament për t?u diskutuar. Kostoja e rrugës ende nuk dihet, pasi për këtë projekt nuk janë të njëjta vështirësitë për pjesë të ndryshme të rrugës, janë shprehur ekspertë të ministrisë së Transporteve.

?Për këtë segment, Autoriteti Rrugor Shqiptar ka përllogaritur ndërtimin me një kosto prej 28.8 miliardë lekësh, ndërkohë që kompania kineze ka paraqitur një vlerë rreth 25 për qind më të ulët për realizimin e këtij segmenti. Rruga e Arbrit ka një gjatësi totale prej 65 kilometrash dhe përbëhet nga katër segmente me kosto totale prej 36 miliardë lekë përafërsisht.

Pjesa prej 26.94 kilometra nga Tujani tek Ura e Vashës, që do të ndërtojë kompania kineze, është ajo me koston më të lartë. Ndërtimi i tij do të bëhet me një procedurë të veçantë, jashtë ligjit të koncesioneve. Investimi do të financohet nga një kredi e Bankës Kineze të Eksporteve dhe do të paguhet më vonë në këste vjetore nga buxheti. Fillimi i punimeve në Rrugën e Arbrit, pritet të bëhet në 2016-ën dhe parashikohet të përfundojë brenda 3 viteve?, u shpreh Haxhinasto.





Lajmet e fundit nga