web counter
LEXO PA REKLAMA!

SHKARKO APP

App Store
Google Play

E fundit!

x

Avokatet e Doshit: Jemi në pritje të veprimeve të Prokurorisë

14 Prill 2015, 15:59, Aktualitet CNA

Avokatët e deputetit Tom Doshi, Vladimir Meçi dhe Ferid Muç,  gjatë një emisioni në News24 kanë deklaruar se Prokuroria e Përgjithshme po zvarrit procesin e hetimeve. Sipas avokatit Muça deri tani nuk është bërë ende ekspertiza e dy sendeve të sekuestruara nga prokuroria, sic janë laptopi dhe USB-ja e zotit Doshi.

“Ende nuk është bërë ekspertiza e Laptopit dhe USB-ja, pavarësisht se nuk pretendojmë asgjë nga kjo ekspertizë, pasi në këto dy sende nuk ka asgjë. Këto janë dy objekte që kërkojmë ekspertimin sa më shpejtë. Zvarritja është e madhe tani. Akuzat janë të pabaza dhe pa fakte. Jemi të detyruar të presim. Por duhet të sensibilizojmë opinionin pasi veprimet që duhet të kryhen në kohë, por që po zvarriten. Qëllimi është i qartë tashmë se Prokuroria po zvarrit çështjen?, pohoi Muça.

Ndërkohë sipas avokatit Vladimir Meçi, Prokuroria nuk ka asnjë provë kundër klientit tim, Tom Doshit. E vërteta është se Prokuroria nuk ka prova. Gjykata e Lartë duhet të paraqiste të gjitha konfliktet e interesit, siç ishte dhe rasti i prokurorit të përgjithshëm, pasi nuk duhet të merrte asnjë vendim dhe veprim meqë ishte përfshirë në çështjen Doshi.

?Masa arrest shtëpie për deputetin  e ka penalizuar atë, pasi nuk mund të takohet as me elektoratin e tij. Ka pasur shumë kërkesë nga elektorati i tij për ta takuar. E kemi deklaruar se ndaj vendimit të Gjykatës së Lartë do i drejtohemi asaj Kushtetuese?, u shpreh Meçi.





Lajmet e fundit nga