web counter
LEXO PA REKLAMA!

SHKARKO APP

App Store
Google Play

E fundit!

x

 Tirana mbledh krerët e Policive së Europës Juglindore: Qëllimi ynë, forcimi i bashkëpunimit

14 Prill 2015, 13:24, Aktualitet CNA

Forcimi i bashkëpunimit mes policive mblodhi sot në Tiranë krerët e Policive të Europës Juglindore. Ky takim,  i cili vjen në kuadër të Konventës së Bashkëpunimit policor të vendeve të Europës Juglindore, ka për qëllim forcimin e bashkëpunimit operacional midis policive të vendeve të rajonit.

Takimin e hapi Drejtori i Përgjithshëm i Policisë Kriminale dhe Krimeve të Rënda te Hungarisë, Tibor Takacs, pasi Hungaria ka kryesimin e radhës të kësaj konvente (PÇSEE). Më pas ka përshëndetur konferencën zv. ministri i Punëve te Brendshme, Ilir Mustafaraj. Ai në fjalën e tij u shpreh se Shqipëria është e angazhuar në ruajtjen e rendit dhe sigurisë për qytetarët e saj dhe këtë është e gatshme ta realizojë edhe në bashkëpunim me policitë fqinje dhe më gjerë, pasi krimi i organizuar dhe jo vetëm, nuk njohin kufij.

?Ky takim është mjaft i rëndësishëm. Shqipëria i ka shpallur luftë krimit të organizuar dhe trafikimeve të ndryshme, çka kërkon dhe bashkëpunimin rajonal lidhur me këtë. Prandaj, kjo konferencë, por dhe takime të tjera të cilat forcojnë këtë bashkëpunim, janë gjithnjë të mirëpritura?, tha Mustafaraj.

Shqipëria është zgjedhur për ta zhvilluar këtë konventë, pasi nesër do zhvillohet konferenca e Drejtorëve të Përgjithshëm të Policive të këtyre vendeve SEPCA, ku presidencën e kësaj shoqate e ka Drejtori i Përgjithshëm i Policisë Shqiptare, Haki Çako.





Lajmet e fundit nga