web counter
LEXO PA REKLAMA!

SHKARKO APP

App Store
Google Play

E fundit!

x

Ipeshkvijtë: Kërkojmë proces të drejtë zgjedhjesh, PD: Ky është zëri për problemet e mprehta

14 Prill 2015, 13:08, Aktualitet CNA

Partia Demokratike ka përshëndetur sot me anë të një deklarate për mediat Konferencën Ipeshkvnore për zgjedhjet vendore. Sipas PD-së, shqetësimi që ngre Kisha Katolike dhe kërkesa e saj për dekriminalizimin, për gjetjen e kandidatëve me integritet, janë shqetësimet e drejta të mbarë shoqërisë.

?Partia Demokratike e vlerëson faktin që Kisha Katolike i jep zë problemeve dhe sfidave të mprehta që ka komuniteti ynë përpara këtyre zgjedhjeve. Ne duam të sigurojmë çdo qytetar se standardet e larta janë të një rëndësie kyçe në këto zgjedhje, dhe Partia Demokratike është e angazhuar për të kandiduar persona me integritet, për të çuar deri në fund procesin e dekriminalizimit, për të mundësuar zgjedhje të lira e të ndershme, që vullneti i qytetarëve të shprehet siç ai buron, pa u shtrembëruar e manipuluar nga praktika e urryer e shitblerjes së votave, apo nga ndërhyrjet e keqbërësve me të kaluar kriminale?, thuhet në deklaratën e PD-së.

Ditën e sotme Kisha Katolike ka nxjerrë një qarkore ku ka dhënë një mesazh për zgjedhjet vendore të 21 qershorit 2015. Gjatë kësaj komunikate ata i bëjnë thirrje subjekteve politike mbi problematikat ne vend. Ata kërkojnë nga forcat politike vullnetin e pakthyeshëm për dekriminalizimin e politikës, dënojnë shitblerjen e votës dhe kërkojnë garantimin e një procesi të drejtë zgjedhjesh nga organet përkatëse.





Lajmet e fundit nga