web counter
LEXO PA REKLAMA!

SHKARKO APP

App Store
Google Play

E fundit!

x

Konsumi i ilaçeve dhe kozmetikës rritet me 25%

6 Prill 2015, 09:38, Aktualitet CNA

Produktet farmaceutike dhe të kozmetikës kanë shënuar shitjet më të larta krahasuar me të gjithë artikujt e tjerë të konsumit. Sipas INSTAT në tremujorin e fundit të vitit tregtia me pakicë e ilaçeve, kozmetikës dhe parfumeve u rrit me 25 %, në një kohë që shpenzimet për ushqime u rriten vetëm me 2 %.

Rritjen më të madh në këtë grup mësohet ta kenë dhënë produktet kozmetike, pasi shitjet e tyre ishin limituar pas krizës së vitit 2011. Por edhe shitja e licave është nxitur nga politikat lehtësuese fiskale me heqjen e tatimit 10 për qind.

Shqiptarët tashmë njihen si popull që i konsumojnë shumë ilaçet, e pranuar kjo edhe nga autoritet shëndetësore të vendit. Por kjo tendencë me konsumin me tepri shpjegohet me një varësi që kanë krijuar shqiptarët tek ilaçet si e vetmja mënyrë shërimi. Gjithashtu shkaqet për konsum të lartë të medikamente shihen edhe në një liberalizim të theksuar të farmacive, të cilat nuk hezitojnë të shesin edhe pa receta mjekësore.

Edhe mjekët thotë ai nuk duhet të mjaftohen me gjetjen e diagnozës dhe mbushjen e recetave, por duhet të ndjekin dhe ecurinë e pacientit gjatë mjekimit. Medikamentet jo gjithmonë nuk japin rezultatet e duhura, për faj të cilësisë, por nga ndërprerja, që i bën i sëmuri kronik ilaçeve.

Një tjetër arsye sipas ekspertëve është edhe cilësia e ilaçeve. Është faktuar tashmë se hidhen në konsum një seri medikamentesh në skadencë. Për shkak të përdorimi i tyre nuk ka efekt, të sëmuret përsërisin dozat e mjekimit duke ndikuar kështu në rritjen e ilaçeve të konsumuara. Çka do të thotë se më shumë ilaçe cilësore të jenë në treg aq më shumë rritet shitja e tyre.

monitor.al





Lajmet e fundit nga