E fundit!

21:59 Politikë

Zgjedhja e strukturave drejtuese të PD-së/ Nis numërimi i votave në selinë blu

Ka nisur procesi i numërimit të votave për zgjedhjen e str...

Basha: Shqiptarët të bashkuar kundër dyshes Rama-Meta

4 Prill 2015, 09:54, Aktualitet CNA

Partia Demokratike ka protestuar sot në qytetin e Vlorës kundër varfërise, padrejtësive, kundër krimit të veshur me pushtet, duke bere thirrje për të votuar Partinë Demokratike në zgjedhjet vendore të 21 qershorit.

Kryetari i Partisë Demokratike, Lulzim Basha, theksoi ne fjalen e tij se ?Është privilegj të jem sot në Vlorë, sepse këtu është zanafilla e shtetit shqiptar.

?Të nderuar vlonjatë është nder të jem këtu në Vlorë ku është zanafilla e shtetit shqiptar sepse Vlora e ka qëndisur me dorën e vetë fatin e saj në histori. Nuk ka arsye më të fortë për qytetarët për vlonjatët të bashkohen për dinjitetin dhe të ardhmen e tyre në Vlorë dhe Shqipëri, që sot janë te shkelura nga qeveria e krimit, nga ky sistem, shkurt nga Rama-Meta. Në çdo qytet, në çdo qark të Shqipërisë madje në çdo shtëpi ku kam shkuar kam prekur vështrimet e njerëzve të varfër, revoltën e qytetarëve kundër dyshes Rama-Meta që grisën dhe hodhën në kosh premtimet.

Po prek revoltën e qytetarëve kundër fjalëve të bukura të Rames dhe Metës duke fryrë faturat e kripura që varfërojnë tryezat shqiptare. Revolta është mbarëqytetare e mbarëpopullorë. PD do i prijë kësaj shtrëngate të revoltës së drejtë të vlonjatëve të harruar nga Rama dhe Meta si dhe shushunjat e tyre. Sot në Vlorë po shohin dhe po pyesin çfarë do të bëj Vlora, a do të reagojë Vlora, çfarë do ti thojë Vlora politikës, a e pranon Vlora politikën e varfërisë dhe të dajakut, të plagëve që ka hapur Rama-Meta, a i duron Vlora kulishat e ndyrë që nxin edhe më shumë shamitë e nënave, çfarë do i thotë Vlora kësaj dysheje.

Rama-Meta ik, kjo është ajo që do i themi, unë dhe opozita. Nuk mund te pajtohet Vlora me arrogancën e qeverisë. Vlora po jep dhe do vazhdojë të japë shembullin e ndëshkimit me votë kundër gënjeshtrës dhe zullimit të kësaj qeverie. Kryeministri premtoi se do bënte mrekullia, por e ktheu Vlorën përmbys për keq, ndërsa si mrekulli solli pllakosjen e varfërisë. Vlonjatët kanë humbur shpresën, besimin sepse nuk po shohin një dite të bardhë, dyshja Rama-Meta i ka braktisur. Nuk është vetëm kriza ekonomike, pasiguria është në nivele alarmante, deri në parlament i sollën kriminelët Rama dhe Meta. Për gjashtë muaj bëjnë plane si në tryezën e Cosa Nostra.

Edi Rama fshehu letrat e Interpolit, vrasjet dhe atentat janë shtuar. Teksa vija këtu, mora një sms, ngrije Vlorën në këmbë dhe Vlora do të ngrejë Shqipërinë në këmbë. Vlora refuzon skamjen, 21 qershori po afron është ditë gjykimi për gjithë padrejtësitë. E keni parë sesi po rend, tërheq, se e di që ka humbur mbështetjen e socialistëve të vërtet. Përballja me votën e qytetarëve është makthi I tij. Nuk shpëton dot nga ballafaqimi me të vërtetën. Koalicioni i Partisë Demoktratike është më qytetarët e këtij vendi, Vlorë, Durrës, Korçë, Me ju është aleanca dhe me qindra mijëra qytetarë anembanë vendit?, u shpreh Basha.