E fundit!

23:00 Aktualitet

Zgjedhja e ekipit drejtues të PD-së/ Vijon numërimi i votave në selinë blu

Vijon procesi i numërimit të votave për zgjedhjen e strukt...

PD: Kokëdhima, kështjella e 10 ligjeve të shkelura

4 Prill 2015, 09:06, Aktualitet CNA

Partia Demokratike ka vijuar sot denoncimet për ndërtimet e deputetit Koço Kokëdhima përgjatë bregdetit. Drejtori i Departamentit për Çështjet e Mjedisit në PD, Jamarbër Malltezi deklaroi se kryeministri Rama po i shpall paligjshmëritë e Koços si monumente kulture. Sipas tij Rama burgos të varfrit për një tendë por lejon ndërtimet e deputetit Kokëdhima.

Deklarata e plotë

Rama na mallëngjeu me deklaratën e tij: ?Ne do bëjmë shtet. Kush shkel ligjin është i papranueshëm?

Në fakt, shteti i Edi Ramës i burgos të varfërit për një tendë pa leje në shtëpinë e tyre. Por

shteti i Edi Ramës mbyll sytë kur kalon nga Zogu i Zi ku ndërtesa 6 katëshe pa leje e deputetit të tij Abazi ka bllokuar diellin dhe ajrin e fqinjëve deri në katin e 6-të.

Shteti i Ramës po e paguan në natyrë me mushkritë e Tiranës ndertuesin bujar të sarajeve të Surrelit. Shteti i Ramës fshihet dhe ikën në drejtim të paditur kur përballet me paligjshmeritë e Koçove, Sadrive, Vangjushëve, dhe gjithë Metastazave të Oligarkisë kur keta shkelin dhjetra ligje njëherësh.

Partia Demokratike po i jep mundesinë Ramës që t?a mbajë fjalën dhe mos gënjejë si gjithnjë dhe për gjithçka. Partia Demokratike depozitoi në Prokurori kallëzimin penal të argumentuar në 12 faqe lidhur me paligjshmërinë e Koços.

Sarajet e Koços dhunojnë jo 1 apo 2 por plot 10 ligje dhe 2 plane urbane. Ato përfaqësojnë një obelisk të anti-ligjit në Shqipëri. Për fat të keq, në vend që të deklaronte prishjen e obeliskut më të madh të anti-ligjit në Shqipëri, javën e shkuar Edi Rama premtoi që do i bëjë edhe një shëtitore përpara. Ky është tregues i llojit të shtetit që do të bëjë Rama.

Ndërkohë që po i shpall paligjshmëritë e Koços si ?Monumente Kulture që mbrohen nga shteti i Edit? janë me qindra shtëpi e dyqane që u janë shembur të pamundurve pa procedure, pa ligj, dhe madje pa u dhënë kohë të sistemohen diku.

Koço shkel të gjithë ligjet e urbanistikës, mbrojtjës së mjedisit, lejeve mjedisore, rezervave ujore, planifikimit dhe kontrollit të territorit, inspektimeve të ndërtimit si edhe 2 Plane Urbanistike në fuqi, përkatësisht Planin e Zhvillimit të Bregdetit të Jugut dhe Planet e Detajuara Vendore të Bashkisë Himarë.

Ja tek janë hartat e Planit Rajonal dhe Planit të Detajuar Vendor që tregojnë sarajet e Koços në dhunim të plotë të këtyre planeve.

Kallëzimi penal përfshin veprat ?Ndërtim i paligjshëm?, ?Pushtim i tokës?, ?Dëmtim të mjedisit?, ?Shpërdorim i detyrës?, si dhe çdo vepër tjetër të konsumuar apo të mbetur në tentativë që do dalë nga hetimet si psh ?falsifikim dokumentash? apo ?dëshmi e rreme? nga drejtuesit e policisë.

Shpresojmë që Prokuroria që ka hapur çështje penale edhe për një tende pa leje në tokë të vet tek ?armiqtë e partisë? dhe qytetarët e thjeshtë, do të këtë kurajon të çojë para ligjit Koçon për këto shkelje flagrante të 10 ligjeve dhe 2 planeve urbanistike në fuqi.

Nëse qeveria nuk ka qef të zbatojë shtetin ligjor në rastet kur cënohen interesat e Koçove të pushtetit, të pakten t?a bëjë në mënyrë ligjore, dhe të shtojë në Kushtetutë nenin ?Çdo ligj shpallet i pavlefshem nëse bie ndesh me dëshirën e Metastazave të oligarkise së pushtetit?.

Ligjet e dhunuara nga Koço Kokëdhima:

Planet Urbanistike qe dhunon Koço Kokëdhima:

të Këshillit Kombëtar të Territorit (KKT), ish KRTRSH;