E fundit!

13:58 Aktualitet

SPAK sekuestron pasurinë në pronësinë indirekte të Belinda Ballukut

Prokuroria e Posaçme ka vendosur masën e sekuestrimit pasu...

Ekspozita “Unë Jam - I Am” vjen në Muzeun Kombëtar

20 Mars 2015, 08:32, Kulturë CNA

Në Muzeun Historik Kombëtar do të organizohet ekspozita ?Unë Jam – I Am?. Ekspozitë Kolektive e gjashtë artisteve nga Kosova, Zake Prelvukaj, Buqe Berisha, Eliza Hoxha, Mjellma Garanci Firzi, Arlinda Harjullahu dhe Blerta Surroi. Ekspozita do të çelet më datë 22 mars, dhe “Unë Jam? mëton frymëmarrjen e krijimeve nga mediumet e ndryshme artistike, të cilat do të influenconin direkt në reflektimin e shoqërisë tonë dhe më gjerë lidhur me atë që secili jemi në këtë botë.

?Duke qenë dëshmitare të ndikimit direkt të materiales (parasë dhe pushtetit) në degradimin e moralit shoqëror, ne e trajtuam një nga plagët tashmë të identifikuara të shoqërisë ku jetojmë që e përkufizuam si skllavëria bashkëkohore. Këtë fenomen negativ e shohim të shtrirë në përmasa shumë të gjëra tek ne dhe jo vetëm. Misioni dytë por jo më pak i rëndësishëm është përmirësimi i imazhit të kosovares jashtë Kosovës, ku pashmangshëm kontribuon në përmirësimin e imazhit të tërësishëm të Kosovës?, thuhet në njoftimin mbi këtë ekspozitë. “Unë Jam? u lind si fryt i mendimit tonë të përbashkët rreth dilemës së kahmotshme të kesh apo të jesh, zotërimit dhe ekzistencës. ?Është evidente se dilema jonë rreth kahjes që ndjekim në jetë është zgjidhur tashmë përmes të të vepruarit tonë, meqë “Të veprosh do të thotë të ekzistosh” – Lao-Czi, por këtë do të donim ta përcillnim kudo rreth nesh përmes mesazheve që japim me krijimet tona artistike. Mesazhin thelbësorë të ekspozitës sonë do ta përmblidhnim me një fjali te vetme: ?Nuk është e lehtë të arrish të thuash, por duhet të thuash “Unë Jam”, sepse ti ekziston?, shprehen për këtë ekspozitë vetë artistet e saj.

Ekspozita do të qëndrojë e hapur nga data 22 – 26 Mars pranë Muzeut Historik Kombëtar. Kjo ekspozitë e artisteve nga Kosova vjen pas asaj që solli në vëmendje qëndresën heroike të Jasharëve, një ekspozitë që mori jo pak vëmendje në MHK. Edhe këtë herë në vijim të aktiviteteve që zhvillohen në Muzeun Kombëtar vjen një tjetër ekspozitë, që përcjell plot mesazhe për publikun.