E fundit!

08:25 Kosova & Bota

SHBA drejt heqjes së ndryshimit të orës, Dhoma e Përfaqësuesve miraton projektligjin

Dhoma e Përfaqësuesve në SHBA ka miratuar një projektligj ...

“Një jetë A Cappella”, recital i TOB në nder të dirigjentit Milto Vako

19 Mars 2015, 14:45, Kulturë CNA

?Një jetë A Cappella? titullohet recital i korit të TKOB dedikuar dirigjentit Milto Vako me rastin e 85-vjetorit të lindjes. Koncerti do të zhvillohet më datë 22 mars dhe do të interpretojnë artistët si Emiljana Palushaj – soprano, Ermira Dauti – soprano, Aida Kasmi – harpë, Enalda Gjoni – flaut, Matilda Bajrami- flaut, Thanas Paskali-pianist si dhe kori i TKOB të drejtuar nga dirigjenti Dritan Lumshi. Programi përmban pjesë të kompozitores Dhora Leka, nga Fan Noli, Beko Zotin, Giuseppe Verdi, opera ?La forza del Destino?, Mikel Koliqi, melodrama ?Ruba e kuqe?, Thoma Simaku me Moj e bukura more, Pëllumb Vorpsi me Peizazh, Fatos Lumani me pjesën Sa shumë letra malli, Milto Vako me veprën Bie lodra, etj.

Prof.Milto Vako (30 mars 1930) është pjesë e atij brezi të rëndësishëm të hapësirës muzikore shqiptare të pas Luftës II Botërore, jeta dhe veprimtaria artistike e të cilit identifikohet me ngritjen dhe zhvillimin e institucioneve muzikore profesioniste në Shqipëri. Ai hyri në skenën muzikore të vendit që prej vitit 1959, i sapodiplomuar në dirigjim, në klasën e mjeshtrit të madh N. Sokolov, në Konservatorin P. I. Çajkovskij të Moskës.

Pas afirmimit si dirigjent i korit në AKVP, në vitin 1962 Prof. Vako renditet ndër themeluesit e Konservatorit Shtetëror të Tiranës, ku së bashku me figura të tjera të njohura si A. Paparisto, Ç. Zadeja, H. Stringa, M. Krantja etj i dhanë jetë shkollës së lartë të muzikës në Shqipëri. Deri në vitin 1973, kur regjimi e dhunoi brutalisht si njeri dhe artist, duke e ndëshkuar me shtatë vite burgimi dhe rreth 10 vite të tjera si punëtor të rëndomtë, dirigjenti i korit Milto Vako i dhuroi publikut shqiptar dhe të huaj tingëllima zërash të trajtuar mjeshtërisht prej partiturave korale ndër më të shquarat e repertorit shqiptar dhe të huaj.

Majat e suksesit të tij, të paharrueshme për publikun brenda dhe jashtë vendit, shënohen mes viteve 1963-1973 si mjeshtër i korit të AKVP dhe TOB, si Udhëheqës Artistik i AKVP, midis të tjerash fitues i ?Gjerdanit të Artë? më 1971 në Dijon (Francë), apo me korin e vajzave të Liceut Artistik të Tiranës, krejtësisht befasues për kohën kur u krijua. Kësaj periudhe i përkasin edhe një seri përpunimesh apo krijimesh origjinale korale, një numër i të cilave mbeten përfaqësuese në fondin e literaturës klasike korale shqiptare. Prej vitit 1990 Prof. Milto Vako është pedagog në Fakultetin e Muzikës së Universitetit të Arteve.