web counter
LEXO PA REKLAMA!

SHKARKO APP

App Store
Google Play

Kryediplomatët e BE takim informal në Riga, merr pjesë edhe Bushati

7 Mars 2015, 13:40, Politikë CNA

Kryediplomatët europianë janë takuar në një takim informal dy ditor të Ministrave të Punëve të Jashtme të BE-së në Riga të Letonisë, ku mori pjesë gjithashtu dhe Ministri shqiptar Ditmir Bushati.

Ky takim i përgatitur në Bibliotekën Kombëtare në Riga filloi me pritjen e Përfaqësueses së lartë të BE-së për Politikën e Jashtme dhe Siguri Federica Mogherini dhe ministrit të Jashtëm letonez, ku së bashku edhe me kryetarin e Presidencës së BE-së, Edgar Rinkevics u takuan me ministrat e jashtëm të vendeve kandidate për në BE.

Ministri Bushati shkruan ne Facebook per takimin:

“Sot mora pjesë në takimin informal të Ministrave të Punëve të Jashtme të BE, i cili u zhvillua në Riga, Letoni. Përveç ministrave të vendeve anëtare, në takim ishin të ftuar edhe Ministrat e Jashtëm të vendeve kandidate për anëtarësim në BE. Ky takim është takimi i parë i këtij formati ku Shqipëria ftohet që prej marrjes së statusit të vendit kandidat.
Në kuadër të rishikimit të politikave të BE-së ndaj fqinjëve të saj, diskutimet gjatë sesioneve të punës u përqendruan në krizën në Ukrainë dhe marrëdhëniet e BE-së me Rusinë, në Partneritetin Lindor dhe në Strategjinë e Sigurisë se BE-së në përballimin e krizave.”





Lajmet e fundit nga