web counter
LEXO PA REKLAMA!

SHKARKO APP

App Store
Google Play

Rama: PD-ja, sa më shumë shpifje për të mbijetuar

3 Mars 2015, 10:33, Politikë CNA

Kryeministri i vendit Edi Rama ka reaguar për akuzat e Partisë Demokratike dhe kërkesat e saj për dorëheqjen e Ilir Metës dhe përfshirjen e zotit Rama si dëshmitar në një vrasje të porositur siç pretendohet nga Deputeti Socialist Tom Doshi .

Kryeministri Rama shkruan në rrjetin sociale facebook.

?Mediat duan sa më shumë akuza për të jetuar. PD sa më shumë shpifje për të mbijetuar. Ndërsa njerëzit e ndershëm të këtij vendi të mbajtur kaq vjet peng në gjithe llumin e akuzave dhe shpifjeve të kthyera rëndom në telenovela, duan vetëm të vërtetën. Dhe të vërtetën që ata duan sot, mund ta thotë vetëm një hetim i plotë i organeve të drejtesisë.

Jam i bindur se telenovela e shëmtuar që ka nisur dje, duke bërë bashkë për të sulmuar qeverinë dhe shumicën parlamentare, një tufë politikejsh e kriminelësh që duan të përfitojnë prej dritëshkurtësisë së njeri – tjetrit, do të ketë padyshim një fund të palumtur për ta.

Le te presim me durim hetimin e plotë të akuzës bombastike. E cila është padyshim e shpifur sa s’ka, por edhe shume e mirëseardhur! Sepse ka çelur një fazë të re të betejës për çlirimin e opinionit publik nga makthi i vjetër se politikanët janë të gjithë njësoj. Njësoj në fakt janë vetëm ata që nuk dinë ku është kufiri mes politikës dhe krimit.

?#?VajmedetPD ku je katandisur se të tjerët aq dinë aq bëjnë! Çfare tufe…!?-deklaroi Kryeminstri.





Lajmet e fundit nga