web counter
LEXO PA REKLAMA!

SHKARKO APP

App Store
Google Play

E fundit!

x

PD: Policia, luftë me qytetarët paqe me kriminelët

21 Shkurt 2015, 11:31, Politikë CNA

Sekretari i Përgjithshëm në Partinë Demokratike, Arben Ristani, ka deklaruar ditën e some se policia e vendit është në një luftë me qytetarët e në paqe me kriminelët. Në një konferencë për shtyp, Ristani u shpreh lidhur me ngjarjen e fundit në Korcë, ku një djalë i ri u dhunuar nga efektivët e policisë dhe Zv. Drejtori i saj, Arben Hyseni.
Deklarata e Ristanit:
?Rreh barbarisht të rinjtë në mes të qytetit, shoqëron me dhunë në komisariat, banorët që protestojnë për errësirën, por nga ana tjetër Policia ende nuk ka ndaluar asnjë prej grabitësve të 10 ditëve të fundit, të bankës, të biznesit në autostradë, të grabitjes në Vlorë, të grabitjes në Shkodër, të grabitjes në Kamëz, të grabitjes në Korçë.
Rastet e rrahjes brutale në Kavajë dhe në Korcë, të zbuluara falë dëshmitarëve në këto skena, në mes të ditës, nuk janë episodike, por janë dëshmi e raportit që ka krijuar Policia e Shtetit me qytetarët, janë dëshmi e sjelljes së saj të dhunshme e të paligjshme që shkel me këmbë qytetarët.
Policia dhunon barbarisht një të ri në Kavajë duke e goditur me shkelm në fytyrë teksa mbahet i lidhur, ndërkohë që oficerë të forcave operacionale, dhe shefat e tij, janë të përfshirë në trafik kokaine dhe heroine.?
Lidhur me protestën e ditës së sotme nga banorët e godinave të ish-institutit në Kamëz, Risani u shpreh:
?Sot janë shoqëruar me dhunë në komisariat, banorë të Kamzës që protestojnë se po jetojnë në errësirë prej muajsh, për shkak të represionit të qeverisë, nga ana tjetër Policia ende nuk ka ndaluar asnjë prej grabitësve të 10 ditëve të fundit, të bankës, të biznesit në autostradë, të grabitjes në Vlorë, të grabitjes në Shkodër, të grabitjes në Kamëz, të grabitjes në Korcë.?





Lajmet e fundit nga