web counter
LEXO PA REKLAMA!

SHKARKO APP

App Store
Google Play

E fundit!

x

Hoyt Yee: Angazhim i përbashkët politik në Shqipëri për luftën kundër krimit 

20 Shkurt 2015, 11:33, Politikë CNA

Ministri Tahiri ka zhvilluar një takim me Zyrtarin e Lartë për Çështjet e Evropës, Hoyt Yee. Tahiri e informoi në lidhje me rezultatet e Shqipërisë në luftën kundër korrupsionit, krimit të organizuar dhe terrorizmit.

Hoyt Yee u shpreh se Shtetet e Bashkuara të Amerikës vlerësojnë arritjet e Shqipërisë, si një aleat dhe partner në luftën kundër krimit të organizuar. Në takim, zyrtari i Departamentit të Shtetit, Hoyt Yee, i shprehu ministrit Tahiri shqetësimin për sulmet me eksploziv të para pak ditëve në Tiranë, të cilat cënuan familjen e ministrit, si dhe shprehu gadishmërinë për të ndihmuar maksimalisht Shqipërinë.

Gjithashtu, zyrtari i lartë i DASH veçoi si tepër të rëndësishëm rolin e Shqipërisë në luftën kundër terrorizmit. Zyrtari Yee nënvizoi si domosdoshmëri që në Shqipëri të ketë solidaritet dhe angazhim të përbashkët politik në luftën kundër krimit të organizuar, ndërsa shtoi se publikisht mbështesin masat e qeverisë për luftën kundër terrorizmit dhe krimit të organizuar.

Në vijim, ministri Tahiri u takua edhe me Këshilltarin e Lartë për Çështjet e Refugjatëve, Jonathan Winer. Winer i shprehu ministrit Tahiri shqetësimin për sulmet e fundit me eksploziv që prekën edhe familjen e tij, ndërsa e siguroi se SHBA do të vazhdojë të mbështesë fuqimisht Shqipërinë.





Lajmet e fundit nga