E fundit!

07:08 Sociale

Moti për ditën e sotme/ Ja sa gradë do të shënojë termometri

Ditën e sotme vendi ynë do të ndikohet nga kushte atmosfer...

Video/ Rama i shmanget pyetjes së gazetares Erisa Zykaj

19 Shkurt 2015, 19:54, Politikë CNA

Kryeministri Edi Rama është pyetur nga gazetarja e ABC News, Erisa Zykaj, për nevojën e dialogut dhe kompromisit në politikën e brendshme, i njëjti shqetësim që ngriti edhe presidenti i Këshillit Europian ditën e sotme në takimin me shefin e qeverisë në Bruksel . Por Rama është përgjigjur se gazetarja e ka të gabuar informacionin. Zykaj ka vijuar me pyetjen e dytë lidhur me gjendjen e kriminalitetit në vend. Këtë herë, kryeministri me një sjellje ka kthyer kokën në anën tjetër duke injoruar gazetaren. Edhe këtë herë, Erisa Zykaj ka respektuar detyrën e saj duke qëndruar deri në fund të deklaratave të kryeministrit, pavarësisht arrogancës së këtij të fundit.

Gazetarja ka reagur lidhur me këtë situatë në rrjetin social Facebook, ku shkruan:

“Kryeministri i Shqipërisë më kêshillon të marrë më shumë leksione anglisht, pasi sipas tij nuk kam kuptuar një fjali të deklaratës së presidentit të Bashkimit Europian, Donald Tusk i cili tha ” Shqipëria duhet të jetë po aq e arsyeshme dhe konstruktive në politikën e brendshme, sa ç’ është në politikën rajonale”. Unë tentova ta zbusja deklaratën e Tusk në pyetjen time duke thënë ” Shqipëria duhet të jetë po aq e suksesshme në politikën e brendshme sa ç’është në skenën e jashtme”. Por edhe kjo nuk e ka shmangur arrogancën e tij. Në fakt, nuk ka nevojë të jesh shumë i zgjuar dhe as të kesh marrë leksione shtesë anglisht për të ditur, se Shqipëria është vendi që ka një vijueshmëri problematike të politikës së brendshme në kontrast me rolin e saj rajon. Kur i shtrova pyetjen e dytë për përshkallëzimin e kriminalitetit në vend, ktheu kokën nga ana tjetër. Të gjithë kolegëve europianë që asistuan dhe u vunë në dijeni të qëndrimit të tij u befasuan nga ngjarja. Nuk e imagjinoni dot sa “sa mirë “ndihet një gazetar që trajtohet kështu nga kryeministri i vendit të tij, ndërkohê që respektohet nga përfaqësuesit e institucioneve europiane dhe organizmave me rëndësi si Shoqata Ndërkombêtare e Medias, në bordin e të cilit bën pjesë apo Klubi i shtypit europian, ku është zv/president. Një pyetje kam unë : “Pse nuk u ankua kryeministri pêr anglishten time kur i drejtova pyetjet Maja Koçijançiç për ndeshjen Serbi-Shqipëri ?”

Më poshtë video :

https://www.youtube.com/watch?v=ZEO4Gc6BEU8