web counter
LEXO PA REKLAMA!

SHKARKO APP

App Store
Google Play

E fundit!

x

Zgjedhjet lokale do të kushtojnë 743 milionë lekë

21 Shkurt 2015, 08:35, Politikë CNA

Zgjedhjet vendore të 21 qershorit 2015 pritet të kushtojnë më pak, krahasuar me zgjedhjet e vitit 2013. Kostoja e tyre pritet të jetë 743 milionë lekë dhe kjo është shifra që pritet të merret nga buxheti i shtetit për mirëorganizimin e zgjedhjeve.Në mbledhjen e djeshme, Komisioni Qendror i Zgjedhjeve me 7 vota pro miratoi projektvendimin, ?Për miratimin e strukturës së shpenzimeve buxhetore, për zgjedhjet e organeve të qeverisjes vendore të 21 qershorit 2015?.
Nga e gjithë shuma që pritet të merret, 279.5 milionë lekë do të shkojnë për të paguar punonjësit, përfshirë edhe komisionerët numërues. Sipas të dhënave të KQZ-së, 240 milionë lekë do të shkojnë për kutitë e votimit, fletët e votimit, bojën matrikulluese dhe kodet e sigurisë. Një kosto prej 223 milionë lekësh pritet të kenë edhe ambientet e votimit dhe numërimit, pasi shumë prej tyre do të merren me qira. Këtu përfshihen edhe reklamat, automjetet që do të përdoren për shpërndarjen e materialeve, etj. 106 milionë lekë do të shkojnë për numërimin dhe regjistrimin e votave.
Gjithashu është hequr dorë nga përfshirja e teknologjisë në këto zgjedhje. Në zgjedhjet lokale numërimi do të bëhet serish me dorë dhe nuk do të përdoret asnjë teknologji, qoftë për votat ashtu edhe për verifikimin e kartave të identitetit. Komisioni Qendror i Zgjedhjeve në mbledhjen e tij të djeshme ka vendosur që të rrisë pagat për 2 audituesit teknicienë që do të merren me verifikimin e veprimeve në bazën e të dhënave të Regjistrit Kombëtar të Gjendjes civile.





Lajmet e fundit nga